ସାବିତ୍ରୀଙ୍କୁ ଗୁହାରୀ- ଦିନବନ୍ଧୁ ବେଜ

ସାବିତ୍ରୀଙ୍କୁ ଗୁହାରୀ

******

ଆଜି ପରା ଅମାବାସ୍ୟା ସାବିତ୍ରୀ ବ୍ରତ

ସତ୍ୟବାନ ଆମେ ସବୁ ହେବା ଏକତ୍ର ।

ବ୍ରାହ୍ମ ମୂହୁତ୍ତ୍ୱରୁ ନିତ୍ୟ ସାରି କରମ 

ପାଳିବାରେ ଭାଇ ମିଶି ପତି ଧରମ ।

ଆସ  ଚାହା ପରିଶିବା ଧର୍ମପାତ୍ନୀକୁ

ଜଳପାନ କରିଦେବା  ପିଲାମାନଙ୍କୁ ।

ଘରପାଠରେ ପିଲାଙ୍କୁ ସାହାଯ୍ୟ କରି

ଭଲ ପତି ପରିଚୟ ଦେବା ସବୁରି ।

ପତ୍ନୀଙ୍କ ଉପବାସର ଆଜି ଦିନଟି

ଯାଉ ଯେପରି ପ୍ରଭୁ ସୁଖରେ କଟି ।

ଫଳ,ମୂଳ, ସାଗୁ ସାଥେ ଆବର ଚଣା

କ୍ଷୀର,ଦହି,ଗୁଡ଼ ସହ ଅଳପ ଛେନା ।

ଏ ସବୁକୁ ପୂଜା ପରେ ଏକତ୍ର କରି

ଲସି କରି ପତ୍ନୀକୁ ଦେବେ ପିଆଇ।

ସାବିତ୍ରୀଙ୍କ ଅବତାର ଆଜି ଦିନରେ

ଯେପରି ଛାପ ଛାଡ଼ିବ ପତ୍ନୀ ମନରେ ।

ସେପରି କରିବା ହେବ ପତି ଦେବତା

ମନ ଭିତରେ ନରଖି ତିଳେହେଁ ଶଙ୍କା ।

ତେବେ ସାବିତ୍ରୀଙ୍କବ୍ରତ ସାକାର ହେବ                 

ଘରେ ଘରେ ବିଜୟର ଧୂଜା ଉଡିବ ।

ନାରୀଙ୍କର ପୂଜା ସବୁ ସଂସାର ପାଇଁ

ସଂସାରର ଚିନ୍ତା ଅଛି ପତ୍ନୀ ମୁଣ୍ଡାଇ ।

ଏଣୁ ହେ ସାବିତ୍ରୀ ତୁମେ ଅଟେ ମହାନ 

ତୁମ ପାଇଁ ବଢିଲା ଗଲା ନାରୀ ସମ୍ମାନ ।

ସ୍ୱାମୀ ମାନେ ଏବେ କିନ୍ତୁ ଅଛନ୍ତି ସୁସ୍ଥ 

ମହାମାରୀ ସମାଜକୁ କରିଛି ଅସୁସ୍ଥ ।

ହନ୍ତ ସନ୍ତ କରୁଅଛି ଆମ୍ଭ ମାନଙ୍କୁ

ତୁମ ଭକ୍ତି ଫଳ ମିଳୁ ଜନ ମାନିଙ୍କୁ  ।

ମହାମାରି ହଟିବାକୁ ଯମରାଜଙ୍କୁ କୁହ

ନ ହେଲେ ସଂସାର ପାଇଁ ଗଡିବ ଲୁହ ।

ଏସନ ମାଗୁଣି ହେଉ ସମାଜ ପାଇଁ

ସାରା ସଂସାର ତୁମକୁ ଚାହିଁଛି ରହି ।।

ଦିନବନ୍ଧୁ ବେଜ

ବାସୁଦେବପୁର ,ଭଦ୍ରକ