ଖୋଲା ବହି - ଭାରତୀ ରଥ

ମନ କଥା ଖୋଲି କହେ ନାହିଁ ବୋଲି 

      ବୁଝେନା କେ ମନ କଥା 

କାହା ମନରେ ମୁଁ ଚାହେଁ ନାହିଁ କେବେ 

       ଦେବା ପାଇଁ କିଛି ବ୍ୟଥା ।

ସବୁରି ଚିନ୍ତା ମୁଁ କରେ ଦିନ ରାତି 

       ମୋ କଥା ଭାବେନା କେହି 

ଜୀବନରେ କେବେ ଭଲପାଇବା ମୁଁ 

     କା'ଠାରୁ ପାଇଲି ନାହିଁ  ।

କେଜାଣି କେମିତି ଅଶୁଭ ବେଳାରେ 

    ଜନମ ହୋଇଛି ମୋର

ଜୀବନରେ ଖାଲି ପାଇ ମୁଁ ଚାଲିଛି 

    ଅବହେଳା  ଅନାଦର  ।

ହସିବାର ଯେତେ ବାହାନା କଲେ ବି

    ହସି ନାହିଁ ମନଖୋଲି 

ଜୀବନର ଯେତେ ସୁପ୍ତ ଯନ୍ତ୍ରଣାକୁ 

    ପାରେ ନାହିଁ କେବେ ଭୁଲି  ।

ଝରାଇବେନି କେ ମୁଁ ମଲା ପରେ 

    ଆଖି ତଳୁ ଟୋପେ ଲୁହ 

ଏ କଥା ଜାଣି ବି ସମସ୍ତଙ୍କ ପ୍ରତି 

   ଭରି ରହିଅଛି ମୋହ ।

ଭାଗ୍ୟ ସାଥେ ମିଶି ବଇରୀ ସାଜିଛି 

   ନିଦାରୁଣ  ଏଇ ବିହି 

ଜୀବନ କାହାଣୀ ଶୁଣାଇବି କା'ରେ 

 ମୋ ଜୀବନ ତ ଖୋଲା ବହି  ।

ଭାରତୀ ରଥ

 ରଗଡି, ବାଙ୍କୀ, କଟକ