ଜଳୁଅଛି ଆଜି ବନାଗ୍ନି ବନ୍ନିରେ
ଓଡିଶାର ଜୈବ ମଣ୍ଡଳ
କିଏ ବା ଜାଣୁଛି ବନର ବନ୍ନିକୁ
କାନ୍ଦୁଛି ଶିମିଳିପାଳ |
ଏସିଆ ଭୂଖଣ୍ଡେ ଶସ୍ୟ ସମ୍ପଦର
ଭଣ୍ଡାର ଏକା ସେ ବନ
ଶେଷ ହୋଇଯାଏ ଆଜି ସେ ଭଣ୍ଡାର
ଶୁଣେନାହିଁ କା'ର କାନ |
ନାହିଁ ବନ ଲତା ନାହିଁ ପଶୁପକ୍ଷୀ
ଜଳୁଛି ଆମୂଳଚୁଳ
କିଏ ବା ଜାଣୁଛି ତାହାର କୋହକୁ
କାନ୍ଦୁଛି ଶିମିଳିପାଳ |
ବହିଯାଏ ଅଶ୍ରୁ ତା' ଝର ଜଳରେ
କଳ କଳ ନାଦ କରି
ହେଉଛି ଦହନ ତନୁଟି ତାହାର
ବ୍ୟଥାରେ ଯାଏ ସେ ମରି |
ଯାଉଛନ୍ତି ଜନ ଶିମିଳି ବନକୁ
ଦେଖିବାକୁ ତନୁ ତା'ର
ଅଣଦେଖା କରି ଫେରି ଆସୁଛନ୍ତି
ବୁଝନ୍ତିନି ବ୍ୟଥା ମା'ର |
ସରକାର କହେ ଗରଜନ କରି
ହେବ ବନ୍ନି ନିର୍ବାପିତ
କରୁଛନ୍ତି ନେତା ସବୁରି ସୁବିଧା
କରିବାକୁ ନିର୍ବାପିତ |
କୁଆଡେ ଲିଭୁଛି ବନାଗ୍ନି ବନ୍ନିଟି
ଜଳୁଛି ହୁଙ୍କାର ହୋଇ
ଯାହାର ମନଟି ତାହାର ଚିନ୍ତାରେ
ତା' କଥା ଭାବରେ ଭାଇ |
ଶସ୍ୟ ସମ୍ପଦରେ ପୂର୍ଣ୍ଣିତ ବନଟି
ହେଉଛି ପାଉଁଶ ଆଜି
ଆମେ ଯଦି ମନେ ବନକୁ ଭୁଲିବା
ଦିନେ ହୋଇଯିବା ବାଜି |
ବ୍ରହ୍ମପୁର, ଗଞ୍ଜାମ, ଓଡିଶା
ପିନ- 761009
ମୋ- 7606858260
0 Comments