ବିବାହ ବନ୍ଧନ - ଜୟଶ୍ରୀ ବେହେରା

ମଥାରେ ଦେଇ ଓଢଣୀ

ଶାଶୁ ଶ୍ୱଶୁର ଙ୍କ ଗହଣେ

ଚାଲୁଛି ମୁଁ ନଇଁ ନଇଁ

ଶୁଭେ ନାହିଁ କାହାରିକୁ

କାନ୍ଦେ ମୁଁ କଇଁ କଇଁ ।

ବାନ୍ଧି ହେଲି ବନ୍ଧନେ

ହୋମ ଅଗ୍ନି ରହିଲେ ସାକ୍ଷୀ

ହୋଇଲା ବିବାହ ସମାପମ

କରିଲ ବାପା ତମେ କନ୍ୟା ଦାନ ।

ଦଶ ଦୋଷ  ଦେବ କ୍ଷମା 

ହାତଧରି  କହୁଛି ସମୁଦି

ଅଲିଅଳି ମୋ ଝିଅ ଅଭିମାନି

ଧରିବନି ତାର କଥା ସମୁଦୁଣୀ ।

ହାତରୁ ଲିଭିନି ମେହେନ୍ଦି

ପାଦରୁ ଅଳତାର ଗାର

ସପନ ଦେଖୁଥିବା ଆଖି

ଦେଖିଲା ଅତ୍ୟାଚାର ।

କରଜରେ ବାପା ଆଜି ମୋର

କୋଉଠୁ ଆଣି ଦେବେ ଦଶ ହଜାର

ଭାର ଉଖୁଡା ହୋଇଛି  ଅଳ୍ପ

କାହାକୁ ଦେବି ବୋଲି କୁହନ୍ତି ଶାଶୁ

ଲାଗିଛି ଭାରି ଅପମାନ ।

ଭଲରେ ରହିବ ଭାବି

ବାହାଦେଲ ବଡଘରେ

ବଡଘରେ ବଡ଼ ଗୁମର କଥା

କେମିତି କହିବି ଲାଜ ଲାଗେ ।

ଶାଶୁ ମୋର କହିଲେ ହସି

ଜିନିଷ ପତ୍ର ସବୁ ତୋର

ଭୋଗ କରିବୁ ତୁ ଲୋ ବସି

କେଁ କଟର ସେ ଖଟ ଆଲେଣା

ବାପା ଙ୍କୁ କହି ନୂଆ ଜିନିଷ ମଗା ।

ଜଉତୁକ ଦେଇ କରିଲ କନ୍ୟା ଦାନ

ଭାବିଲ ଝିଅ ମୋର ଭଲରେ ରହିବ

କାନ୍ଦୁଛି ମୁଁ ବାପା କଇଁ କଇଁ

ଲମ୍ବା ଓଢ଼ଣା ମଥାରେ ଦେଇ ।।

ସାଲେପୁର, କଟକ