ଓଁ ନମଃ ଶିବାୟ - ବସନ୍ତ କୁମାର ପ୍ରଧାନ

ହର ହର ମହାଦେବ ହେ ଉମାପତି

ନୀଳକଣ୍ଠ ଗଙ୍ଗାଧର ନାଶ ଦୁର୍ଗତି ,

ତ୍ରିପୁରାରି  ବିରୂପାକ୍ଷ ହେ ମୃତ୍ୟୁଞ୍ଜୟ

ତୁମେହିଁ ମହିମାମେରୁ ମଙ୍ଗଳମୟ ।

ଓଁ ନମଃ ଶିବାୟ, ଓଁ ନମଃ ଶିବାୟ । 1।

ବୃଷଧ୍ୱଜ ବ୍ୟୋମକେଶ ହେ ଜଟାଧାରୀ

ତ୍ରିଲୋଚନ କୃତ୍ତିବାସ ତ୍ରିଶୁଳଧାରୀ,

ଭଷ୍ମ ବିଲେପନ ତନୁ କି ଶୋଭାମୟ !

ତୁମେହିଁ ମହିମାମେରୁ ମଙ୍ଗଳମୟ ।

ଓଁ ନମଃ ଶିବାୟ, ଓଁ ନମଃ ଶିବାୟ ।2।

ସଂହାର ଦେବତା ରୁଦ୍ର ଡମ୍ବରୁ ଧର

ଭୁଜଙ୍ଗ ଭୂଷଣ ଆହେ ପିନାକଧର ,

ହେ ପ୍ରମଥାଧିପ ନାଶ ଏ ଭଵ ଭୟ

ତୁମେହିଁ ମହିମାମେରୁ ମଙ୍ଗଳମୟ ।

ଓଁ ନମଃ ଶିବାୟ,ଓଁ ନମଃ ଶିବାୟ ।3।

ମହାକାଳେଶ୍ବର ତୁମେ ହେ ପରାଶକ୍ତି

କଳିଯୁଗେ ପୂଜାପାଅ ହେ ଲିଙ୍ଗ ମୂର୍ତ୍ତି,

ଆଶୁତୋଷ ବର ତୁମ ଅଟେ ଅଭୟ

ତୁମେହିଁ ମହିମାମେରୁ ମଙ୍ଗଳମୟ ।

ଓଁ ନମଃ ଶିବାୟ,ଓଁ ନମଃ ଶିବାୟ ।4।

ମହାଶିବରାତ୍ରି ବ୍ରତ ଅଟଇ ଶ୍ରେଷ୍ଠ

ତୁମରି କୃପାରୁ ଦୂର ହୁଏ ସଙ୍କଟ ,

ତୁମେ ସତ୍ୟ ଶିବ ତୁମେ ସୁନ୍ଦରମୟ

ତୁମେହିଁ ମହିମାମେରୁ ମଙ୍ଗଳମୟ ।

ଓଁ ନମଃ ଶିବାୟ,ଓଁ ନମଃ ଶିବାୟ ।5।

ବସନ୍ତ କୁମାର ପ୍ରଧାନ

ହରିହରପୁର, ଛେଣ୍ଡିପଦା, ଅନୁଗୋଳ