ଜୟ ଶ୍ରୀରାମ - ନନ୍ଦିନୀ ରାଉତ

ଦଶରଥ ନନ୍ଦନ ବିଶ୍ଵଜନ ବନ୍ଦନ 

        ନମଇଁ ଶ୍ରୀରାମ ପୟର 

ସକଳ ଜୀବନର ତୁମେ ଯେ ମୁଳାଧାର 

      ଜୟ ଜୟ ହେ ରଘୁବୀର... 1

ନର ଅବତାରେ ଅଯୋଧ୍ୟା ନଗରେ 

     କୌଶଲ୍ୟା ଗରଭୁଁ ଜାତ 

ପିତାଙ୍କ ଜୀବନ ପ୍ରଜା ପ୍ରାଣ ଧନ 

    ତିନି ମାତା ପ୍ରାଣ ସୂତ... 2

ସୀତା ହୃଦ ଚନ୍ଦନ  ହନୁମାନ ବନ୍ଦନ 

     ପୃଥିବୀ ର ମଙ୍ଗଳ ମୟ 

ଭକ୍ତ ଜନ ବାନ୍ଧବ ଦୈତ୍ୟ ବିନାଶକ 

    ତୁମ୍ଭେ ଆନନ୍ଦ ନିଳୟ.... 3

ଅହଲ୍ୟା ତାରଣ ବାଳୀ ର ମାରଣ 

    କରିଲ କୋଦଣ୍ଡ ଧାରୀ 

କୈବର୍ତ୍ତ ଧୋଇଲା ପାଦ ଦୁଇ ତୁମ 

     ନ ପାରିଲେ ତ୍ରିପୁରାରୀ.... 4

ଯୋଗୀଋshi ରକ୍ଷଣ ଦୀନାର୍ତ୍ତ କାରଣ 

      ରଘୁନାଥ ରାବଣାରୀ 

ଦେବତା ରକ୍ଷଣେ ଧରା ନିବରଣେ 

     ହୋଇଥିଲ ଅବତାରୀ... 5

ଦଇବ ଦଉଡି ମଣିଷ ଯେ ଗାଈ 

    ପ୍ରକୃତି ଅଟଇ ସତ୍ୟ 

ଏହି କଥା ଗୋଟି ଆହେ ମହାପ୍ରଭୁ 

     କରିନେଲ ପ୍ରମାଣିତ.... 6

ସୁର  ନର ପୂଜିତ କମଳ ଲୋଚନ 

     ପାଦରେ ଦିଅ ଶରଣ 

ଅଭାଗୀ ଯେ ପାଦେ ଵିନତୀ କରୁଛି 

    କର ଏ ବିଶ୍ୱ କଲ୍ୟାଣ... 7

ନନ୍ଦିନୀ ରାଉତ

 ଅନୁଗୋଳ