ବସନ୍ତ ମଳୟ - ବସନ୍ତ କୁମାର ପ୍ରଧାନ

ହାତେ ହାତେ ଦେଲେ ହାତୀ ଉଠିଯାଏ

କହନ୍ତି ଜଗତ ଲୋକ ,

ତୁହିରେ କାଳିଆ ହାତ ଟେକି ଦେଲେ

ଆଉ କି ରହନ୍ତା ଦୁଃଖ ।0।

ହାତୀ ବୁଲୁଥିଲେ ବନସ୍ତ ଭିତରେ

ଅଟେ ସେ'ତ ରାଜାଙ୍କର ,

ଯେଉଁଠି ମୁଁ ଥାଏ ଯେପରି ବା ଥାଏ

ତୁହି ମୋର ଆପଣାର

କାଳିଆ ରାଜାରେ ମୋର ।

ସୁଖର ଦୁଃଖର  ସାଥି ତୁହି ମୋର

ତୁହି ମୋ ପରାଣ ମିତ ।1।

ବଞ୍ଚିଥିଲେ ଲକ୍ଷେ ମରିଗଲେ ଲକ୍ଷେ

ମୂଲ୍ୟ ସିନା ହାତୀଟିର ,

ଏଇ ଜୀବନର କେତେ ମୋର ମୂଲ୍ୟ

ତୋତେରେ ସିନା ଗୋଚର 

କାଳିଆ ରାଜାରେ ମୋର ।

ମୋ' ଛୋଟ ମନରେ  ଏତିକି ବୁଝିଛି

ତୋ' ବିନା ମୁଁ ନିରର୍ଥକ ।2।

ହରିହରପୁର ,ଛେଣ୍ଡିପଦା, ଅନୁଗୋଳ