ମଧୁ ସୂଦନ ସ୍ମରଣେ - କବିସୌରଭ କୈଳାଶଚନ୍ଦ୍ରବେହେରା

ଉତ୍କଳଗୌରବ ହେ ମଧୁସୂଦନ,

  ଉତ୍କଳର ତୁମ୍ଭେ ସୁଯୋଗ୍ୟ ସନ୍ତାନ ।

ଅଠେଇଶ ଅଡ୍ ଚାଳିଶ ମସିହାରେ ,

ଏପ୍ରିଲ ମାସ ଅଠେଇଶ ତାରିଖରେ ।

    କଟକ ଜିଲ୍ଲାର ସତ୍ୟଭାମାପୁରେ   

ଜନମିଲ ଏକ ଶୁଭ ମୁହୂର୍ତ୍ତରେ ।

ରଘୁନାଥ ଦାସ ଥିଲେ ତୁମ୍ଭ ପିତା,

ପାର୍ବତୀଦେବୀଯେ ଥିଲେତୁମ୍ଭମାତା ।

ଗୋବିନ୍ଦ ବଲ୍ଲଭ ଥିଲା ବାଲ୍ୟନାମ ,

 ସେକାଳେ ନ ଥିଲେ ଛାତ୍ର ତୁମ୍ଭସମ ।

କଟକ ରେଭେନ୍ସା କଲେଜିଏଟ୍ ସ୍କୁଲ ,

ଠାରେ ପ୍ରାଥମିକ ଶିକ୍ଷା ଆରମ୍ଭିଲ ।

     ଅଠରଶ ଚଉଷଠି ମସିହାରେ ,

ପାଶ୍ କଲ ଏକାଦଶ ପରୀକ୍ଷାରେ ।

ଅଠରଶ ପଞ୍ଚଷଠି ମସିହାରେ ,

ବାଲେଶ୍ଵର ଜିଲ୍ଲା ବିଦ୍ୟାଳୟଠାରେ ।

ତୃତୀୟ ଶିକ୍ଷକ ରୂପେ କାର୍ଯ୍ୟ କଲ ,

ଏହାପରେ ଉଚ୍ଚ ଶିକ୍ଷା ପାଇଁ ଗଲ ।

ଅଠରଶ ଛଅଷଠି ମସିହାରେ ,

ପାଶ୍ କଲ ତୁମ୍ଭେ ଏମ୍ . ଏ ପରୀକ୍ଷାରେ ।

ଏମ୍ .ଏ ପାଶ୍ ପରେ ଆଇନ୍ ପଢ଼ିଲ ,

 ରାଜ୍ୟର ପ୍ରଥମ ଓକିଲ ହୋଇଲ ।

ମଧୁ ବାରିଷ୍ଟର ନାମେ ହେଲ ଖ୍ୟାତ ,

ଲୋଡ଼ିଲେ ତୁମ୍ଭଙ୍କୁ ଲୋକ ଶତ ଶତ ।

ସନ୍ ଊଣେଇଶ ତିନି ମସିହାରେ ,

ମଗ୍ନ ହେଲ ତୁମ୍ଭେ ଉତ୍କଳ ଚିନ୍ତାରେ ।

     ସେହେତୁ ଉତ୍କଳ ସମ୍ମିଳନୀ ଗଢ଼ି , 

ସମସ୍ତ ଭୋଗ ଓ ବିଳାସକୁ ଛାଡ଼ି ।

     ସ୍ଵତନ୍ତ୍ର ଉତ୍କଳ ପ୍ରଦେଶ ଗଠନ , 

କାର୍ଯ୍ୟେ ଦିବାନିଶି ହୋଇଲ ମଗନ ।

   ଜାଗରଣ ଆଣି ଲୋକଙ୍କ ମନରେ , 

ଦାବି ଜଣାଇଲ ଇ°ରେଜଙ୍କ ଠାରେ ।

ଊଣେଇଶ ଏକୋଇଶ ମସିହାରେ ,

ଵିହାର ଓଡ଼ିଶା ମନ୍ତ୍ରୀ ଭାବରେ ।

   ଓଡ଼ିଆରେ ଶପଥ ପାଠ କରିଲ , 

 ଓଡ଼ିଆ ଭାଷାର ଗୌରବ ରଖିଲ ।

ସନ୍ ଊଣେଇଶ ପାଞ୍ଚ ମସିହାରେ , 

ଉତ୍କଳ ଟ୍ୟାନେରୀ କଲ କଟକରେ ।

ନିମ୍ନ ମାନର ଯୋତା ପୋଡ଼ିଦେଲ ,

 ଓଡ଼ିଶା ରାଜ୍ୟର ମର୍ଯ୍ୟାଦା ରଖିଲ ।

ଊଣେଇଶ ଚଉତ୍ରିଶ ମସିହାରେ।,

ଫେବୃୟାରୀ ମାସ ଚାରି ତାରିଖରେ ।

     ଇହଲୀଳା ତୁମ୍ଭେ ସମ୍ବରଣ କଲ ,  

ଓଡ଼ିଶାବାସୀଙ୍କୁ ଶୋକେ ଭସାଇଲ ।

ଦୁଇବର୍ଷ ପରେ ତୁମ୍ଭରି କଳ୍ପିତ ,

ସ୍ଵତନ୍ତ୍ର ପ୍ରଦେଶ ହୋଇଲା ପ୍ରାପତ ।

     ଆଜି ଅଟେ ତୁମ୍ଭ ପୂଣ୍ୟ ଜନ୍ମଦିନ , 

ପାଳୁଅଛୁ ଆମ୍ଭେ ସର୍ବେ ଅକିଞ୍ଚନ ।

ଦୟାବହି ଆଶିଷ କର ପ୍ରଦାନ ,

ଯୁଗେ ଯୁଗେ ହେଉ ତୁମ୍ଭ ଜୟଗାନ ।

କବିସୌରଭ କୈଳାଶଚନ୍ଦ୍ର ବେହେରା

ବାଲିଗୁଡ଼ା , କନ୍ଧମାଳ