ଶ୍ରଦ୍ଧା ସୁମନ - ନବ କୁମାର ଦାସ

ଏଇ ଚିକ ମିକ ତାରା ,ଜହ୍ନ 

ଆଉ ଆକାଶ ତଳେ 

ଆମ ପ୍ରେମର ତାଜମହଲ 

ତୁମ ଆଞ୍ଜୁଳା ଭିତରେ 

ଛାଇ ,ଆଲୁଅର ସ୍ବପ୍ନ 

ଗୋଟି ଗୋଟି ଶ୍ରଦ୍ଧା ସୁମନ 

କେଜାଣି 

କେଉଁ ଏକ ଯୁଗରୁ 

ତୁମର ଓ ମୋର ପରିଚୟ .....ll

ଥରେ ପଚାରନା ଏ ଜହ୍ନକୁ 

ଗୋଟି ଗୋଟି ତାରାକୁ 

ଏ ଖଣ୍ଡିଉଡ଼ା ମେଘକୁ 

ଆଉ ଏ ରାତିକୁ 

କିଏ କାଳେ କହି ପାରିବ 

ଆମ ଆରମ୍ଭ ଆଉ ଶେଷ ଭିତରେ 

ପ୍ରେମ ଏକ ଜିଇଁବାର ନିଶା 

ନିସ୍ଵାର୍ଥପର ଜୀବନ 

ତୁମ ଆଞ୍ଜୁଳାର ଶ୍ରଦ୍ଧା ସୁମନ ....ll

ସତରେ ,

ଏ ଝରଣା ଯେମିତି ଝରେ 

ଏ କୋଇଲି ଯେମିତି ଗୀତ ଗାଏ 

ଏ ପ୍ରଜାପତି ଯେମିତି ଫୁଲକୁ ଚୁମେ 

ସବୁ ଆମ ପ୍ରେମର 

ହଜିବା ପାଇବାର ଆଲୋଡନ 

ତୁମ ଆଞ୍ଜୁଳାର ଶ୍ରଦ୍ଧା ସୁମନ .....ll

ନବ କୁମାର ଦାସ

ସୁରଡ଼ିହା ,ବାଲିଆପାଳ ,ବାଲେଶ୍ୱର