ମୃତ୍ୟୁ ମହାତୀର୍ଥ (64) - ରଞ୍ଜନ କୁମାର ମହାନ୍ତି

ମୃତ୍ୟୁ କୋଳେ ଶୋଇ ମଣିଷ ଦେଖୁଛି 

ଜୀବନର ଶେଷ ସ୍ବପ୍ନ 

ଅନେଶ୍ୱତ ଆଶା ଅଟ୍ଟାଳିକା ତୋଳି 

ସ୍ୱାର୍ଥ ସାଧନାରେ ମଗ୍ନ 

ସିଦ୍ଧିର ଅନ୍ତିମ ଲଗ୍ନ 

ମୃତ୍ୟୁ ହିଁ କେବଳ ତୃପ୍ତ କରେ ତାର 

ଯେତେ ନିରୁତ୍ତର ପ୍ରଶ୍ନ ।

କଳ୍ପ କଳ୍ପ ଧରି ନିର୍ବିକଳ୍ପ ସେହି

ଶ୍ମଶାନେ ଗହଳି ହେବ 

ନିଶବ୍ଦ ମାଟିର ନୀରବତା ଭାଙ୍ଗି 

ଶେଷ ସତ୍ୟ ହସୁଥିବ

ପରିଚୟ ନୀରବିବ 

ଦି ମୁଠା ମାଟିର ସଂଳାପେ ମଣିଷ 

ନିଜତ୍ବକୁ ମାପୁଥିବ ।

ଅର୍ଦ୍ଧଦଗ୍ଧ ଅସ୍ଥି ଭସ୍ମୀଭୂତ ଭୀତି 

ମୁଠାମୁଠା ବୁଣା ଭୋକ 

ଶ୍ମଶାନର ସେହି ଶୂନ୍ୟସ୍ଥାନ ଦେହେ 

ବୟସ ବି ସାଜେ ମୂକ 

ସ୍ମୃତିର ଶେଷ ସ୍ମାରକ 

ପରିତ୍ୟକ୍ତ ପୃଷ୍ଠା ଚିରା ଟୁକୁରାକୁ 

ଗୋଟାନ୍ତି ଆପଣା ଲୋକ ।

ରଞ୍ଜନ କୁମାର ମହାନ୍ତି 

ବାଲେଶ୍ୱର 

ମୋ --8658574945