ହେ ଚକା ଆଖି - ବାସନ୍ତୀ ଲତା ଜେନା

ରତ୍ନ ସିଂହାସନେ ବସିଛ ଠାକୁରେ 

       ଚକା ଆଖି ମେଲି ଦେଇ 

ମୁଁ ଗରୀବ ଆଜି ସିଂହ ଦ୍ୱାରେ ଡାକେ 

       ଶୁଣୁ ନାହୁଁ କାହିଁ ପାଇଁ    l

କଣ୍ଠ ଶୁଖିଲାଣି ଡାକି ଡାକି ତୋତେ 

       ଆତ୍ମା ହେଉଛି ବିକଳ 

ଥରୁଟିଏ ଦିଅ ଦରଶନ ମୋତେ 

       ପ୍ରାଣ ହେଉ ସୁଶୀତଳ     l

ଜଗତର ନାଥ ଆହେ ଜଗନ୍ନାଥ 

     ଶୁଣ ବାରେ ମୋ ଗୁହାରି 

ଅଥଳ ଜଳରେ ଭାସୁଛି ଠାକୁର 

     ଉଦ୍ଧାରିବ  ଦଇତାରୀ    l 

ନିଃସ୍ୱ ମୁଁ ହୋଇଛି ସବୁ ହରାଇଛି 

     ଆଶ୍ରା ତୋତେ କରିଅଛି 

ମାଗୁନାହିଁ ଧନ ଅବା ଯଶ କିଛି 

      କୃପା ଟିକେ ମାଗୁ ଅଛି   l 

କରୁଣା କନିକା ବିନ୍ଦୁଟିଏ ଝରୁ 

      ଏ ଦୁଃଖିନୀ ମସ୍ତକରେ 

ତୁହି ମୋ ଭରସା ତୁହି ମୋ ସାହସ 

       ଏହି ଭଵ ସଂସାରରେ    l

ହେ ନୀଳ ମାଧବ ରକ୍ଷା କର ପ୍ରଭୁ 

     ଦିବା ନିଶି ଡାକୁ ଅଛି 

ଚରଣରେ ସ୍ଥାନ ଟିକେ ଦିଅ ପ୍ରଭୁ 

      ଅଶ୍ରୁରେ ନିତି ଭିଜୁଛି    l 

ତୋ ଛାଡ ତୁଳସୀ ଦୟଣlର ମାଳ 

      କେତେ ଦିନୁ ଚାହିଁ ଅଛି 

ମୋ  ହସ୍ତରେ ପ୍ରଭୁ ଟିକେ ମିଳି ଯାଉ 

      ଏତିକି ଭିକ୍ଷା ମାଗୁଛି    l 

ବାସନ୍ତୀ ଲତା ଜେନା

ଗାନ୍ଧିନଗର, ନବରଙ୍ଗପୁର