ଯୁଗଳ ରୂପ ବର୍ଣ୍ଣନା- ଅଜୟ କୁମାର ମହାନ୍ତି

ଦେଖ କଳା ଚାନ୍ଦ ବାମରେ 

ଚାନ୍ଦ ବଦନୀ ଶୋଭା 

ଯୁଗଳ ମୂରତି ଦିଶେ ସଖୀ 

ଆହା କେଡେ ମନଲୋଭା। 

ଶ୍ୟାମ ଶୀରେ ଚୂଡ଼ା ଖଞ୍ଜା 

ରାଇ ଶୀରେ ବେଣୀ 

ଚୂଡ଼ା ଝଲମଲ କରେ 

ବେଣୀ ଅବା ଫଣୀ ।

ଅଧା ଅଙ୍ଗେ ଗଜମୋତି 

ଅଧା ବନମାଳା 

ଅଧା ଅଙ୍ଗ ଗୌର ତନୁ 

ଅଧା ଚିକ୍କଣ କଳା ।

ଚାହାଁ ଚାହିଁ ହସା ହସି 

ଧରା ଧରି ବାହୁ 

ଶରତ ପୂର୍ଣିମା ଚାନ୍ଦେ 

ଗ୍ରାସିଛି କି ରାହୁ ।

ଦୁହିଁଙ୍କର ମିଳନେ 

ଉପୁଜିଲା ପ୍ରେମ 

ଦରିଦ୍ର କୁଡ଼ିଆ ଘରେ 

ବରଷିଲା ହେମ। 

ଦୁହିଁଙ୍କ ଅଧରାମୃତ 

ଦୁହେଁ ପାନ କଲେ 

ସଖୀଗଣ ଦେଖି ସର୍ବେ 

ବିଭୋରିତ ହେଲେ। 

ଅଜୟ କୁମାର ମହାନ୍ତି 

ହରିପୁର, କବିରପୁର ,ଯାଜପୁର