ଦେଶଭକ୍ତି - ଅନ୍ତର୍ଯ୍ୟାମୀ ସାହୁ

ସବୁଠୁ ସୁନ୍ଦର ଏହି ଦେଶ ମୋର

ଲାଗେ ସରଗୁ ସୁନ୍ଦର,

ମୋ ସ୍ୱପ୍ନରପୁର ଭାବନା ମନ୍ଦିର

ବୁକୁରେ ମଧୁ ସମ୍ଭାର ॥

ତୁହି ଜନ୍ମଭୂମି ଜନନୀଠୁ ବେଶୀ

ସୁଖ ଦେଇଅଛୁ ମୋତେ,

ସୁଖେ ଦୁଃଖେ ଅଭିମାନ ଅନୁରାଗେ

ଧୈର୍ଯ୍ୟ ତୁ ଦେଇଛୁ କେତେ ॥

ମୋ ହୃଦ ମନ୍ଦିରେ ଯେଉଁ ଦୀପ ଜଳେ

ସେ ତ ଜନ୍ମଭୂମି ପାଇଁ,

ଜୀବନ ଦୀପରେ ଭକ୍ତିର ସଳିତା

 ଜଳାଇ ରଖିଛି ମୁହିଁ ॥

ତୋରି ପାଦ ପାଇଁ ନୟନରେ ମୋର

ସପତ ସିନ୍ଦୁର ଲୁହ,

ସେ ଲୁହରେ ମାତ ଧୋଇବି ପୟର

ଗାଇ ଗାଇ ତୋର ଜୟ ॥

ତୋଚରଣ ରେଣୁ ମୋ ମଥା ଚନ୍ଦନ

ତୋମାଟି ପୁଣ୍ୟଚନ୍ଦନ,

ତୋର ହିତ ଶେଷେ ଗଲେ ମୋଜୀବନ

ସେଦିନ ହୋଇବି ଧନ୍ୟ ॥

ପଲମ/ନର୍ଲା/କଳହାଣ୍ଡି