ଶୁଣ ନିବେଦନ - ରଞ୍ଜନ କୁମାର ପଣ୍ଡା

ଶୁଣ ନିବେଦନ      ହେ କଳା ବଦନ

       ତମେ ଜଗତର ପ୍ରାଣ

ବିପଦ ପଡିଛି       ଆଜି ଏ ଜଗତେ

       କର ପ୍ରଭୁ ପରିତ୍ରାଣ ।

ତୁମ ସିଂହଦ୍ଵାର        ଖାଲି ପଡ଼ିଅଛି

         ସ୍ୱର୍ଗ ଦ୍ୱାରେ ଭାରି ଭିଡ଼

ଦୁଃଖ ସାଗରରେ      ଭାସୁଛି ଦିନିଆଁ

        କେହି ନୁହେଁ ଆଉ ବଡ଼ ।

ଏତେ ସବୁ ଦେଖି          ରହିଛ ମଉନ

         ଦୁଃଖ ନାହିଁ ତୁମ ଠାରେ

ବଡ଼ ଦେଉଳର              ଗମ୍ଭୀରା ଭିତରୁ

        ଆସ ବଡ଼ ଦାଣ୍ଡ ଥରେ ।

ମାନବର ଦୁଃଖ        ଦେଖି ଦେଖି ପ୍ରଭୁ

          ସହିଯାଅ ନୀରବରେ

ଦୁଆରକୁ ତୁମ        ମଡ଼ାଇ ନ ଦିଅ

          ପଥଅ ସ୍ୱର୍ଗ ଦୁଆରେ ।

କୁହ ହେ ଠାକୁର        କେବେ ପୁଣିଥରେ

          ହସିବ ପୁଣି ସଂସାର

ତୁମ ଲିଳା ଖେଳା       ଦେଖିବ ଜଗତ

        ହୋଇ ଆନନ୍ଦ ବିଭୋର ।

କରୁଣାର ଦୃଷ୍ଟି         ଦିଅ ମହାପ୍ରଭୁ

        ତୁମ ଏ ପବିତ୍ର ଭୂମେ

ହାତଭାଗା ମୁହିଁ      ଡାକୁଛି ନିରବେ

       ସାହା ହୁଅ ପ୍ରଭୁ ତୁମେ ।

ରଞ୍ଜନ କୁମାର ପଣ୍ଡା

କୋରାପୁଟ