ମାଆ ମୋ ପ୍ରଥମ ପ୍ରେମ - ଜଗବନ୍ଧୁ ସାହୁ

ଜୀବନଠୁ ଯାକୁ        ପାଉଛି ମୁଁ ଭଲ

        ରଖିଛି ହୃଦେ ସାଇତି

ସୟନେ ସପନେ      ଅବା ଜାଗରଣେ

        ତା କଥା ଭାବୁଛି ନିତି l

ଯେତେ ଦୂରେ ଥିଲେ   ତାର କଥା ସବୁ

        ନିତି ଯେ ପଡଇ ମନେ

ଭାସି ଆସେ ତାର        ସୁନ୍ଦର ଛବିଟି

        ଏଇ ମୋ ଦୁଇ ନୟନେ l

ତା'ବିନା ଅଧୁରା     ଏଇ ମୋ ଜୀବନ

       ସିଏ ମୋ ଛାତି ସ୍ପନ୍ଦନ

ହୃଦୟ ମନ୍ଦିରେ       ପୂଜେ ନିତି ତାକୁ

      ଦେଇ ସ୍ନେହ ଶ୍ରଦ୍ଧା ପ୍ରେମ l

ସବୁ ଦୁଃଖ କଷ୍ଟ        ସହି ଯାଏ ପୁଣି

      ଦେଲା ଯିଏ ମୋତେ ଜନ୍ମ

ଆଉ କେହି ନୁହେଁ ସେଇ ମାଆ ମୋର

       ଅଟେ ଯେ ପ୍ରଥମ ପ୍ରେମ l

ପ୍ରେମ୍ କବି ଜଗବନ୍ଧୁ ସାହୁ 

ଛଞ୍ଚାଣିଆ ପଲ୍ଲୀ, ଗଞ୍ଜାମ