ମିନତି ଘେନ (୧୨୭) - ରଞ୍ଜନ କୁମାର ପଣ୍ଡା

ମିନତି ଘେନ      ବଡ଼ ଠାକୁର

      ଜଗଦିଶ ପରଂବ୍ରହ୍ମ

ଅନାଥ ଜନ       ଡାକୁଛି ଆଜି

      ରଖ ପ୍ରଭୁ ତୁମ ଧାମ ।

ଜଗତ ହିତ        ତୁମ ଦାୟିତ୍ୱ

    ଜଗତ କଲ୍ୟାଣ ପାଇଁ

ରକ୍ଷକ ତୁମେ     ପାଳକ ତୁମେ

    ତୁମେ ତ ଜଗତ ସାଇଁ ।

ତୁମ ବିଶ୍ୱାସେ        ପ୍ରାଣୀ ନିଶ୍ୱାସ

       ଚାଲିଛି ଏହି ସଂସାରେ

ତୁମରି ପାଇଁ          ଦିନ ଓ ରାତି

        ଚାଲିଛି ନିରନ୍ତରେ ।

ଭାଗ୍ୟ ବିଧାତା          ମୁଁ ହତଭାଗା

          ଡାକୁଛି ଭକ୍ତି ଭରେ

କଳା ଧଳାର            ରଥ ସଜାଡି

         ଜଗତ ରଖ ବାରେ ।

ତିନି ତୁଣ୍ଡରେ        ଛେଳି କୁକୁର

      ଏହି ଧାରା ଧାମରେ

ଧୃତ ମଣିଷ         ପାଇଁ କି ପ୍ରଭୁ

      ଅଭିମାନ ମନରେ ।।

ରଞ୍ଜନ କୁମାର ପଣ୍ଡା

କୋରାପୁଟ