ଆମ ମାତୃଭାଷା - ପ୍ରତିମା ବାରିକ

ମାଟି ଆମ ମାଆ     ଭାଷା ଆମ ମାଆ 

          କର୍ତ୍ତବ୍ୟ  ଆମ ସୁରକ୍ଷା 

ହାତେ ଦେଇ ହାତ        ଆମେ ତା ସନ୍ତାନ 

          ସାହିତ୍ୟର ରଥି ଦୀକ୍ଷା ।

କହିବା ଓଡିଆ       ଲେଖିବା ଓଡିଆ 

         ପଢିବା ପୁଣି ଓଡିଆ 

ପଢାଇ ଓଡିଆ     ବଢାଇ ଓଡିଆ 

       ଉଚ୍ଚ କରିବା ଓଡିଆ ।

ଆମ ପୂର୍ବ ସୁରୀ      ତାହାରି ସମ୍ମାନେ 

       ବରିଛନ୍ତି କେତେ କଷ୍ଟ 

ହୃଦେ କରି ପଣ      ମନ କରି ଟାଣ 

          ନ ଦେଲେ ହେବାକୁ ଭ୍ରଷ୍ଟ ।

ମଞ୍ଜିରୁ ଉଠିବ     ଗଜା ଭଲ ବୋଲି 

        ଶିଶୁ ସାହିତ୍ୟ ର ସୃଷ୍ଟି 

ଶୃଙ୍ଖଳିତ ହେବ      ସମାଜ ବୋଲିକି 

          ତହିଁ କି ଦେଲେ ବି ଦୃଷ୍ଟି ।

ଆମେ ସବୁ ଚାଲ     ପଦ ଅନୁଗତେ 

       ଲକ୍ଷ୍ୟକୁ ଦୃଷ୍ଟି ରେ ରଖି 

ଉନ୍ନତ ମାନର       ଶବ୍ଦ ଅଳଙ୍କାରେ 

         ଭାଷାକୁ ଲେଖିବା ରଖି ।

ମାଟିର ମଙ୍ଗଳ      ଭାଷାର ମଙ୍ଗଳ 

          ଜନତାର ସର୍ବୋନ୍ନତି 

ଶୃଙ୍ଖଳିତ ହେବ       ସଂସ୍କାର ଯାବୋଡି 

        ପର ହିତେ ଥିବ ମତି ।

ସତ୍ମାର୍ଗ ସୁ କର୍ମ            ସତ୍ୟ ନ୍ୟାୟ ଧର୍ମ 

        ଲିପିବଦ୍ଧ ହେବ ତହିଁ 

ଅନ୍ୟାୟ ବିରୁଦ୍ଧେ      ସ୍ବର ଉତ୍ତୋଳନ 

       ସାହସ ରହିବ ଯହିଁ ।

ଆମ ମାଟି ଆମ-      ଭାଷା ଉଚ୍ଚ ହେଲେ 

        ମଥା ଆମ ଉଚ୍ଚ ହେବ 

ତ୍ୟାଗ ବଳିଦାନ      କର୍ମ ସହଯୋଗ 

         ଭାଷାକୁ ଆଗକୁ ନେବ ।

ପ୍ରତିମା ବାରିକ