ବିଦଗ୍ଧ ପ୍ରାଣ

********

ବିଦଗ୍ଧ ପ୍ରାଣର ବେଦନାର ସୁର

ନ ପଡିଲେ ପଛେ କର୍ଣ୍ଣେ

ବଜ୍ରାଘାତ ପ୍ରାୟ ଶାପ ପଡେ ଯେବେ

ଭାଳୁ କାହିଁ ମନେ ମନେ।

ପ୍ରେମ ଅଟେ ପୂଣ୍ୟ ପ୍ରେମ ତ ଜୀବନ

ପ୍ରେମ ସୁର ନ ଶୁଣିଲେ

ପ୍ରତାରଣା ଅଗ୍ନୀ ସଂଯୋଗ କରିଣ

ଦଗ୍ଧ କଲୁ ହୃଦ ଭଲେ।

ସେ ଦଗ୍ଧ ଛାତିରୁ ଧୂମ୍ର ଧାସେ ପୁଣି

ଅନ୍ଧକାର ତୋ ଜୀବନେ

 ଛାରଖାର କରି ସୁଖର ସପନ

ପେଶିଦେବ ମହାଶୂନ୍ୟେ।

ଆହା ଏ ଜୀବନ ଯାଏ ଅପସରି

ମରୁବାଲି କି ହସ୍ତରୁ

ଅବା ଲିଭି ଯାଏ ଆଶା ପ୍ରଦୀପଟି

ଆଲୋକ ଦେବା ପୂର୍ବରୁ ।।

ଚିନ୍ମୟୀ ସାହୁ

ମୂଳିସିଂ,ସହର

ଜଗତସିଂହପୁର