ମରୁଭୂମିରପଥିକ ମୁଁ

*******

ମରୁଭୂମିର ପଥିକଟିଏ ମୁଁ

ଖୋଜି ପାଉନାହିଁ ବାଟ,

ଯୁଆଡ଼େ ଚାଁହୁଛି ସବୁ ବାଲିମୟ

ଅବିଶ୍ରାନ୍ତ ଗତିପଥ ।

ମରୀଚିକା ଭ୍ରମ ଟାଣି ନିଏ ମୋତେ

ଶରୀର ହୁଏ ଅବଶ,

ଦିଗହରା ହୋଇ ଆଜି ମୁଁ ଧାଉଁଛି

ପାଇଯିବି କାଳେ ପଥ ।

ହେଲେ ଏ ସମୟ ଦେଉନାହିଁ ସଙ୍ଗ

ତଣ୍ଟି ଶୁଖିଯାଏ ମୋର,

ଲାଗୁଛି ଯେପରି ଏହି କ୍ଷଣି ମୋତେ

ଟାଣିନେବ ଯମପୁର ।

କେମିତି ଫସିଲି ମରୁଭୂମିରେ ମୁଁ

ଜାଣି ତ ପାରିଲି ନାହିଁ,

ଭାବନା ମୋହର ମନକୁ ଆସୁଛି

କିଏ ଦେଇଛି ଫସେଇ ।

ଫସି ମୁଁ ସାରିଛି ବାହାରିବା ପାଇଁ

ମୋତେ ବାଟ ଦିଶୁନାହିଁ,

ମରୁଭୂମିର ପଥିକ ଟିଏ ମୁଁ

ବାଟ ଖୋଜି ପାଉନାହିଁ ।।

ପ୍ରିତିଛନ୍ଦା ରାୟ

ଶୁଣ୍ଠଳ,ନାଉଗାଁ, ଜଗତସିଂହପୁର