ତୁମେ- ସୁଦର୍ଶନ ସାହୁ

ତୁମେ
******

ତୁମେ ଥରେ ସ୍ନେହ କାଙ୍ଗାଳି ହୁଅ
ତୁମେ ଲୋଡୁଥିବା
ସବୁତକ ସ୍ନେହକୁ ବାଣ୍ଟିଦେବି
ତୁମ ଅଧରର କୂଳେ କୂଳେ....

ତୁମେ ଥରେ ପ୍ରେମ କାଙ୍ଗାଳି ହୁଅ
ଦେଖିବ
ମୋ ଜୀବନର ସବୁତକ ପ୍ରେମକୁ
ଲେସିଦେବି ତୁମ ଓଠେ ।

ତୁମେ ଥରେ ଜ୍ୟାମିତିର ଚିତ୍ର ହୁଅ
ଦେଖିବ
ରାଉଣ୍ଡର ପେନସିଲ୍ ଯୋଖି
ମୁଁ ମାପି ଚୁପି କହିଦେବି
ତୁମ ଦେହର ସବୁତକ କୋଣର ଡିଗ୍ରୀ ।

ତୁମେ ଥରେ ଲେଉଟି ଯାଅ ଅତୀତକୁ
ଦେଖିବ
ମୁଁ ତନତନ କରି ଲିପିବଦ୍ଧ କରିବି
ତୁମ ଅତୀତର ପୃଷ୍ଠାକୁ ।

ସବୁ ସରିଗଲା ପରେ...

ମୁଁ ପ୍ରସ୍ତୁତ ତୁମ ସହ ଯୁଦ୍ଧ କରିବାରେ
ତୁମେ ଏବେ ସଜାକ୍ ରଖିପାର
ତୁମ ଦେହର ସମସ୍ତ ଯୋଦ୍ଧାଙ୍କୁ ।।


ସୁଦର୍ଶନ ସାହୁ
ଯାଜପୁର