ପାନ୍ଥଶାଳା- ସୁନୟନା ଓଝା

ପାନ୍ଥଶାଳା

*****

ଅନେକ  ଚି଼ହ୍ନlଜଣା 

ପାଦ ମାନଙ୍କର  ଭିଡ ଭିତରେ 

କେତେଯେ ସୁଖ ଆଉ ଦୁଃଖ ସହ 

ତାର ସବୁଦିନ ହେଉଥାଏ ଭେଟ  । 

ସେ କିନ୍ତୁ ନିଜର 

ଅସ୍ତିତ୍ବ କୁ ହରାଇ 

କେବେ ହେଲେ ବାନ୍ଧି ହେଇନାହିଁ 

କାହାର ବନ୍ଧନରେ । 

ଆପଣାର ବୋଲି  

ଶବ୍ଦଟିକୁ.. 

ସେ କେବେ ସ୍ଥାନ ଦେଇନାହିଁ 

ତା ଜୀବନରେ । 

ମନକୁ ଦେଇ ସେ କେବେ 

ଆଦରି ନେଇନି କାହାର ମନକୁ 

ପଚାରି ବୁଝିନି ମଧ୍ୟ ସେ କେବେ 

ଏଇ ଆତ ଜାତ ବାଟୋଇ ର ଦୁଃଖକୁ । 

 ନିର୍ବାସୀତ କରିନି ସେ କେବେ 

ଏଇ ଆଶାତୁର ବାଟୋଇ ମାନଙ୍କୁ 

ଅଭିମାନ ରେ ଲିଭେଇ ଦେଇନି  ସେ କେବେ 

ତା ଦେହରେ ଲେଖା ଥିବା ଅନେକ ଠିକଣାକୁ । 

 ସେ ବା କେମିତି ବୁଝିବ 

ତା ଦେହର କାହାଣୀ କୁ 

ମୁଁ କିନ୍ତୁ ଖୋଜି ଦେଖିଛି 

ତା ଦେହରେ ମୋ ଅତୀତର ସ୍ମୃତି ସବୁକୁ । 

ନା ସେ କେବେ ଭାଙ୍ଗି ପଡିନି 

କାହାର ଦୁଃଖରେ 

କେବେ ମଧ୍ୟ ସାମିଲ ହେଇନି 

କାହାର ସୁଖରେ । 

ସେଇଥି ପାଇଁ ତ 

 ସେ କେବେ 

ଝରାଇ ବସେନି ଲୁହ 

କାହାର ବିରହରେ.........।।

ସୁନୟନା ଓଝା 

ଗ୍ରାମ -ତରିମୂଳ 

ଜିଲ୍ଲା -କେନ୍ଦୁଝର