ପଦ୍ମ ଓ କଇଁର ଗୋପନ କଥା- ସୋନାଲି ଦାସ

ପଦ୍ମ ଓ କଇଁର ଗୋପନ କଥା

*******

କଇଁ ପଚାରିଲା ଆଲୋ!ପଦ୍ମନାନୀ

ପ୍ରେମିକ ତପନ ତୋହର, 

ବିରହ ବେଦନା ଦେଇଛନ୍ତି କି ସେ 

 ଦେ ତୁ ତାହାର ଉତ୍ତର  ।

ପ୍ରତ୍ଯୁତ୍ତରେ ପଦ୍ମ କହିଲା କଇଁକୁ  

 ସେ ପରା ମୋହର ଈଶ୍ବର,

ଈଶ୍ବର କି କେବେ ଦେଇଥାନ୍ତି କଷ୍ଟ? 

  ନିଜକୁ ତୁ ଥରେ ପଚାର ।

ଏହା ଶୁଣି କଇଁ କହିଲା ପଦ୍ମକୁ 

 ତୁ ସତ କହିଲୁ ଲୋ!ନାନୀ,

ସୂର୍ଯ୍ୟ-ଚନ୍ଦ୍ରଙ୍କର ଅସ୍ତିତ୍ବ ନଥିଲେ 

 ଆମେ ହୁଅନ୍ତେ ଯେ ହିନିମାନୀ । 

ସୂର୍ଯ୍ୟ ଆଗମନେ ତୁ ବିକଶିତ ହେଉ 

 ଆଲୋ!ମୋର ପଦ୍ମନାନୀ,

ଚନ୍ଦ୍ର ଆଗମନେ ସରୋବର ଜଳେ 

 ଫୁଟେ ମୁହିଁ କୁମୁଦିନୀ  । 

ଯେତେ ଦିନଯାଏଁ ସୂର୍ଯ୍ୟ ଆଉ ଚନ୍ଦ୍ର

ରହିଥିବେ ଏ ସଂସାରେ, 

ସେତେ ଦିନଯାଏଁ ଆମେ ପଦ୍ମ-କଇଁ 

ଜନ୍ମୁଥିବା ସରୋବରେ ।।

ସୋନାଲି ଦାସ

ଭୁବନେଶ୍ୱର