ସ୍ବପ୍ନ ବିଳାସିନୀ - ରୁଦ୍ର ନାରାୟଣ ଦାଶ

ଆସିଥିଲ ତୁମେ            ନିଦ୍ରା ଯିବା ପରେ

            ଭଙ୍ଗା ସ୍ବପ୍ନଗୁଡ଼ିକରେ,

ସଜାଡ଼ି ଯେ ଦେଲ         ଥାକ-ଥାକ କରି

         ଗୋଟେ ସରଳରେଖାରେ।୧।

ଦେଖିଲି ମୁଁ ସେହି          ପ୍ରଣୟ ବଗିଚ଼ା

           ଫୁଟୁଥିଲେ ମଲ୍ଲୀ, ଚମ୍ପା,

ହାତ ଧରି ମୋର           ଟାଣି ନେଉଥିଲେ

           ପଚ଼ାରୁଥିଲି ମୁଁ କିମ୍ପା।୨।

କିଛି ନକହିଣ              ଆସିଲ ପାଖକୁ

          ପ୍ରୀତି-ଅମୀୟ ଦେବାକୁ,

ଶିହରଣ ଖେଳେ           ଇଚ୍ଛାହୁଏ ମୋର

          ଗୋରାଦେହ ଛୁଇଁବାକୁ।୩।

ଦେଖୁଥିଲି ମୁହିଁ              ପାହାନ୍ତିଆ ସ୍ବପ୍ନ

           କବାଟ କେ ବାଡ଼େଇଲା,

ସ୍ବପ୍ନ ସରିଗଲା               ନିଦ ଭାଙ୍ଗିଗଲା

         କୋଇଲି ଗୀତ ଗାଇଲା।୪।

         ନୟାପଲ୍ଲୀ,  ଭୁବନେଶ୍ବର

           ମୋ- ୯୮୬୧୭୦୧୭୧୪