ଜୀବନ - ନଳିନୀ କାନ୍ତ ପାଢ଼ୀ

କଥା ଦେଇ,
ଯାହା ଦେବା କଥା
ଦେଲନି
ଆଉ ମୁଁ, ଜଳକା ଭଳି
ଅନାଇ ରହିଲି ll
ତଥାପି, ମାଗିଲି ପୁଣି ଥରେ
ନିଜକୁ ସଂକୁଚ ମନେକରି
ସ୍ବପ୍ନ, ପ୍ରେମ, ଜୀବନ
ଦେବ କହି ଦେଲନି
ଭାବିଲ, ମୁଁ
ଏ ସବୁ ନେଇ
କରିବି କଣ ??
କହିଲ,ମୋତେ,
ତୁମ ଚାରି କଡେ
ଦେଖୁନ
ସବୁଜ ଗଛ,
କୁଳୁ କୁଳୁ ବହୁଥିବା ନଈ,
ସୂର୍ଯ୍ୟର ଝିଲିମିଲି ଖରା,
ସମୟ,
ହାତପାହାନ୍ତାରେ
କିମିତି ଖେଳେ ଦୋଳି ll
ବୁଝିପାରିଲିନି !!
ଏ ସବୁ ଦେଖିଲେ
ମୋର ବା କଣ ହେବ ??
ପୁଣି ମାଗିଲି
ଦିଅ, ନ ଦେଲେ
ମୁଁ ବଞ୍ଚିବି କିପରି
କହିଲ,
ଆକାଶକୁ ଦେଖ,
ପବନକୁ ଛୁଁ ଅ ,
ମାଟିକୁ ସ୍ପର୍ଶ କର,
ଅଗ୍ନିରେ ନିର୍ବାଣ ହୁଅ,
ଜଳରେ ଗାଧାଅ ll
ତାପରେ
ନିଜକୁ ନିଜେ ମୁଁ କହିଲି
ହଁ, ମୁଁ ଜୀବନ ପାଇଲି,
ଜୀବନ ll

 
977514576