ନାରୀ ର ଦେହ - ବିଶ୍ୱଜିତ ସାମନ୍ତରାୟ

ନାରୀ ର ଦେହ କଣ ଉଦ୍ଦିଷ୍ଟ

କେବଳ ଉନ୍ମୁକ୍ତ ପାଇଁ

ଦେହର ପରିଧି କଣ ଶେଷ ହେଇଯାଏ

ନଗ୍ନତା ର ପୋଷ୍ଟର ରେ

ନାରୀ ର ଦେହ କଣ

କେବଳ ଭୋଗ୍ୟ

ଓଠ ର ପିପାସା କଣ ମେଣ୍ଟିଯାଏ

ଦେହ ର ଡୁବ ରେ

ନାରୀ ଦେହ ର ବିଭାବରୀ କୁ

ଉପଭୋଗ କରିବା ପାଇଁ

ଅନେକ ହାତ ଲମ୍ବିଆସେ

ଏତେ ଗୁଡିଏ ସ୍ପର୍ଶ ଭାର

ନାରୀ କଣ ସହିପାରେ

ଦେହ ପାଇଁ କଣ

କେବଳ ଦେହଜୀବୀ ଲଢ଼ନ୍ତି

ଲଢ଼ନ୍ତି ଅନେକ ଗୁଳ୍ମ, ଅନେକ କଢ଼

ପ୍ରତିରୋଧ କୁ ନ ପାଇ

ନିଜ ଦେହ ପାଇଁ

କଣ ଅଧିକାର ନଥାଏ ନାରୀଟିର

ଦେହ କଣ ଚଷା ଯାଇପାରେ

ଅନଧିକାର ଜମି ପରି

ଆରେ ମୂର୍ଖ ସମାଜ

ନାରୀ ର ଦେହ ତ କେବଳ ଏକ

ସ୍ଥୁଳଚର୍ମ ର ଆବରଣ

ଢାଙ୍କି ଦିଏ ଆବୋରିଦିଏ

କିନ୍ତୁ ସେ ଭେଦିପାରେନା

ଅନ୍ତସ୍ଥଳ ର ଆତ୍ମା ବିନ୍ଦୁ କୁ

ଜୀବନ ର ମୂଳ ଲକ୍ଷ କୁ

ଶକ୍ତି ର କେନ୍ଦ୍ର ବିନ୍ଦୁ କୁ ।

ଖୋର୍ଦ୍ଧା