ଆଶା - ମଧୁସ୍ମିତା ନାୟକ

ନୂଆ ସମ୍ଭାବନା ଆଶାକୁପ ମଳିନ କରି ।

ବିତୁଛି ଜୀବନ କାଲିର ସକାଳ ପରି ।।

ହୋଇ ପାରୁନାହିଁ ସତେଜ ତାରି ପରଶ ।

ମନେ ନାହିଁ ଉତ୍କଣ୍ଠା ଆଉ ଆକାଂକ୍ଷା ହରଷ ।।

ନବୀନ ପୁଲକ ନୂତନ ଆଶାକୁ ଧରି ।

ଉଭା ହୁଏ ଆଗେ ପ୍ରୀତିର ଆଞ୍ଜୁଳି ଭରି ।।

ତୃପ୍ତ ନାହିଁ ସେଇ ଅବଶୋଷ ମନେ ଆଜି ।

ଧରା ଦିଏ ସିଏ ସ୍ମୃତିର ବଇରୀ ସାଜି ।।

ବିଛିନ୍ନ ପଡ଼ିଛି ଆଜି ଏ ମନର ଆଶା ।

ମରୁଭୂମି ସ୍ଥଳେ ପାଣି ପାଇବାର ନିଶା ।।

ଅଜାଡ଼ି ହୋଇ ପଡ଼ିଛି ମୋ ମନେ ଦୁଃଖ ।

ବାନ୍ଧିଛି ମୁଁ ଆଶା ଟିକେ ପାଇବାକୁ ସୁଖ ।।

ଆସୁନାହିଁ କିଛି ବାର୍ତ୍ତା ସେ ମନକୁ କାହିଁ ।

ପ୍ରକାଶ କରିବି ଗାଥା ରହିଛି ମୁଁ ଚାହିଁ ।।

ମଧୁସ୍ମିତା ନାୟକ

ଟାଙ୍ଗୀ କଟକ