ଶଙ୍କା ଓ ସିନ୍ଦୁର - ବାସନ୍ତୀ ଲତା ଜେନା

   

ପୁରୁଷ ରମଣୀ ବିବାହ କରନ୍ତି 

ଦାମ୍ପତ୍ୟ ଜୀବନ ପାଇଁ 

ଟୋପାଏ ସିନ୍ଦୂର ଦୁଇ ପଟ ଶଙ୍ଖା 

ପ୍ରେମ ବନ୍ଧନରେ ରହି      l୧l

ସୁହାଗିନୀ ହୁଏ ଶଙ୍ଖା ସିଂଦୂରରେ 

ପୂଣ୍ୟ ବତୀ ହୋଇ ଥାଏ 

କୁଳ ବଧୂ ସାଜେ ଶଶୁର ଘରରେ  

ସଂସ୍କୃତିକୁ ଭଲ ପାଏ       l୨l 

ବିବାହିତା ନାରୀ ଶଙ୍ଖା ସିଦୂରକୁ 

ପ୍ରାଣ ଭରି ଭଲ ପାଏ 

ସୀମନ୍ତ ସେ ଭରେ ସ୍ନାନ ଶୌଚ ସାରି 

ତୁଳସୀରେ ପାଣି ଦିଏ      l୩l

ସୀମନ୍ତ ସିନ୍ଦୂର ଝଟକୁ ଥାଏ ତ

ରେଖା ହୋଇ ସୀମନ୍ତର 

ଗୁରୁ ଜନ ମାନେ ଆଶୀର୍ବାଦ ଦ୍ୟ'ନ୍ତି 

ମଙ୍ଗଳ ହେଉ ତୁମର    l୪l

ନାରୀର ଗାରିମା ତା ଶଙ୍ଖା ସିନ୍ଦୂର 

ସେତ ନୁହେଁ ଅଳଙ୍କାର 

ସ୍ୱାମୀର ଆୟୁଷ ଦୀର୍ଘ ଜୀବି ହେଉ 

ଏହି କାମନା ତାହାର        l୫l

ସମାଜରେ ନାରୀ ଶିର ଟେକି ଚାଲେ 

ତା ଶଙ୍ଖା ସିଂଦୂର ପାଇଁ 

ରାଜ ରାଣୀ ହୁଏ ତା ପ୍ରେମ ମନ୍ଦିରେ 

ପୂଜା ଫୁଲ ସ୍ୱାମୀ ପାଇଁ      l୬l

    

ସବୁ ଶୁଭ କମେ ତା ଶଙ୍ଖା ସିନ୍ଦୂର 

ହୋଇଥାଏ ଚିର ସାଖୀ 

ଯାହାର କପାଳେ ସିନ୍ଦୂର ନ ଥାଏ 

ସେ ହୁଅଇ ଚିର ଦୁଃଖୀ      l୭l

ତୁମ ହାତରୁ ମୁଁ  ସିନ୍ଦୂର ପିନ୍ଧିଲି 

ଝିଅରୁ ବହୂ ହୋଇଲି 

ସବୁ ଜନ୍ମ ପାଇଁ ତୁମର ମୁଁ ହେଲି 

ଜୀବନ ଧନ୍ୟ କରିଲି       l୮l

ସୁଖ ଦୁଃଖରେ ମୁଁ ତୁମ ସାଥେ ରହି 

ସହ ଭଗି ହେଉ ଥିବି 

ନାଲି ପlଟ ଶାଢ଼ୀ ସୀମନ୍ତ ସିଂଦୂରେ 

ପୂଣ୍ୟ ବତୀ ବୁଲାଇବି    l୯l

ତୁମେ ମୋ ସିନ୍ଦୂର ତୁମେ ମୋ ଗହଣା 

ତୁମେ ମୋର ପ୍ରିୟ ସାଥି 

ସଧବା ନାରୀର ପରିଚୟ ନେଇ 

ସ୍ଵର୍ଗରେ ପାଇବି ଶାନ୍ତି    l୧୦l

   

ବାସନ୍ତୀ ଲତା ଜେନା

ଗାନ୍ଧିନଗର, ନବରଙ୍ଗପୁର