ନାରୀ - ପ୍ରତାପ କୁମାର ପଣ୍ଡା

ପବିତ୍ର ଧରାର ନାରୀ ପ୍ରତିବିମ୍ବ

                     ସୃଷ୍ଟିର ଆଧାର ସିଏ,

ଜୀବନ ଆଧାନ ହୁଏ ତାର ମଧ୍ୟେ

                    ସଂସାର ନିୟମ ଇଏ ।

ସମ୍ପର୍କ ଜୁଇରେ ଜଳି ଜଳି ନାରୀ

                      ଝରାଏ ଅମୃତ ଧାରା,

ସହନଶୀଳତା ର ଶ୍ରେଷ୍ଠ ନିଦର୍ଶନ

                      ଅଟଳ ସେ ବିଶ୍ବମ୍ଭରା ।

ଜନନୀ ଭଗିନୀ  ଜାୟା ସେ ନନ୍ଦିନୀ

                       ପରିବାର ବର୍ଣ୍ଣମାଳା

ସଂସାର ରଥର ଅଟଇ ସାରଥି

                    ଘର ତାର ପାଠଶାଳା ।

ନାରୀ ନାରାୟଣୀ ବହୁରୂପା ପୁଣି

                       ପ୍ରେମ କରୁଣାର ମନ୍ତ୍ର,

ପୁରୁଷ ଜୀବନେ ପ୍ରୟୋଜନ ତାର

                        ଇଶ୍ଵର ପ୍ରଦତ୍ତ ସୁତ୍ର ।

ପାକଶାଳା ଠାରୁ ଚନ୍ଦ୍ର ପୃଷ୍ଠ ଯାଏ

                          ମହକିତ ନାରୀ ଯଶ ,

ପୁରାଣ ଯୁଗରୁ ଆଧୁନିକ ଯୁଗ

                          ସଭିଏଁ ହୁଅନ୍ତି ବଶ ।।    

Qr no - E/114

ସେକ୍ଟର-9, ରାଉରକେଲା