ପୁଣ୍ୟର ପସରା ପ୍ରେମ ସୁଧାଧାରା
ଐଶ୍ୱର୍ଯ୍ୟଦାୟିନୀ ନାରୀ
ସକଳ କାର୍ଯ୍ୟରେ ଅୟମାରମ୍ଭ ସେ
ପୁଣି ସୃଷ୍ଟି ରକ୍ଷାକାରୀ ।
ସକଳ ଶକ୍ତିର ଆଧାର ହୋଇବି
କ୍ଷମାଗୁଣେ ବିଭୂଷିତା
କେବେସେ ଭଗିନୀ କନ୍ୟା ଅବା ପତ୍ନୀ
ତଥାସ୍ତୁ ମୁଦ୍ରାରେ ମାତା ।
ସଂସାର ମଙ୍ଗଳେ ଝରିପଡୁଥାଏ
ସଦା ଆଶୀର୍ବାଦ ତା'ର
ଲକ୍ଷ୍ମୀଙ୍କ ପ୍ରତୀକ ଧାରଣ କରି ସେ
ଖୋଲେ ଅକ୍ଷୟଭଣ୍ଡାର ।
ବାଲ୍ୟ ଓ ଯୌବନେ ବାର୍ଦ୍ଧକ୍ୟ ସମୟେ
ଭିନ୍ନ ରୂପେ ଅବତରି
ସର୍ବଂସହା ହୋଇ ସଂସାର ସିନ୍ଧୁରୁ
ସଭିଙ୍କୁ କରଇ ପାରି ।
ସିଏ ସ୍ୱୟଂସିଦ୍ଧା ମଦରଟେରେସା
ଯୁଦ୍ଧକ୍ଷେତ୍ରେ ଲକ୍ଷ୍ମୀଵାଈ
ନାରୀର ମର୍ଯ୍ୟାଦା ଅକ୍ଷ୍ୟର୍ଣ୍ଣ ରଖିବା
ଦେଶର ଉର୍ନ୍ନତି ପାଇଁ ।
ଚାଉଳିଆ, ମଙ୍ଗଳପୁର, ଯାଜପୁର
ଫୋନ -9438064908
0 Comments