କବିତା ଓ କବିତା - କବି ବୃନ୍ଦାବନ ପ୍ରଧାନ

ଖୋଳା ଆକାଶରେ 

ମେଘ ମାଳାରେ 

ମଳୟର ପରଶରେ 

ପ୍ରିୟା ର ଆଲିଙ୍ଗନ ରେ

ଶବ୍ଦର ଝରେ ମୁକୁତା 

ଆପେ ହୋଇଯାଏ 

କବିତା ଓ କବିତା। 

ଦୁଃଖରେ ସୁଖରେ

ପ୍ରେମରେ  ପ୍ରଣୟରେ 

ମିଳନ ବିରହରେ 

ଛାଇ ହୋଇଯାଏ 

ଭାବନାର ସ୍ପତଃସ୍ଫୁର୍ତ୍ତଦୀପର

ଅଜସ୍ର ସଳିତା 

ଲେଖି ହୋଇଯାଏ 

କବିତା ଓ କବିତା।। 

ମୋ ଅଜାଣତରେ 

କେତେ ଯେ ଶବ୍ଦ ଗୁଡାକ 

ମନକୁ ଖୁମ୍ପି ଖାମ୍ପି 

ଭାବନାକୁ ଝାଡି ଦିଅନ୍ତି 

ଜାଣିପାରେନି ସେ ଯେ 

କେତେବେଳେ ହୁଏ 

କବିତା ଓ କବିତା।। 

ମନ ଗହନ କାନ୍ଭାସରେ

ଆଙ୍କୁ ଆଙ୍କୁ ଆଙ୍କି ଦିଏ 

 ସୁନ୍ଦର ଚିତ୍ରଟିଏ 

ସେ ଚିତ୍ର ଚିତ୍ର ନୁହେଁ 

ସେ ଏକ କବିତା ଟିଏ। 

ବାଉଲସିଂହା, ଭଟଲି, ବରଗଡ଼