ମିନତି ଘେନ (୯୭) - ରଞ୍ଜନ କୁମାର ପଣ୍ଡା

ପ୍ରାରବ୍ଧର କର୍ମ        ଫଳକୁ ଭୋଗୁଛି

       ଦେବିନି ତୁମକୁ ଦୋଷ

ଏହି ଜନ୍ମ କର୍ମ       ଶୃଙ୍ଖଳିତ ହେଉ

      କରନାହିଁ ଆଉ ରୋଷ ।

ବୃଥା ଅଭିମାନ      ଅହମିକା ଦମ୍ଭ

      ମନରୁ ମୋହର ପୋଛ

ସୁକର୍ମ ବିହୀନ       ମାନବ ଜୀବନ

        ମହିମଣ୍ଡଳରେ ତୁଛ ।

ସ୍ନେହ ଶ୍ରଦ୍ଧା ପ୍ରୀତି        ଅତ୍ୟଧିକ ହେଲେ

          ଦୁଃଖ ଜୀବନରେ ମିଳେ

ବିଭୁ ଆରାଧନା           କରିଲେ ଜୀବନେ

          ସୁଖର ଲହରୀ ଖେଳେ ।

ମିନତି ମୋହର         ଘେନ ହେ ଠାକୁର

          ଦୂରକର ଦୁଃଖ କଷ୍ଟ

ମହାମାରୀ ପାଇଁ          ପ୍ରାଣୀଙ୍କ ଜୀବନ

          ନ ହେଉ ପ୍ରଭୁ ହେ ନଷ୍ଟ ।।

ରଞ୍ଜନ କୁମାର ପଣ୍ଡା