ମୁଁ, ତୁମେ ଓ ସେ - ଭାରତୀ ରଥ

"ମୁଁ" ଆହତ ଜଟାୟୁଟିଏ 

ଅଶାନ୍ତିର ବଳୟଭିତରେ ଖୋଜୁଛି 

ଶାନ୍ତିର ପଥ 

ତ୍ରିଶଙ୍କୁ ଅବସ୍ଥାରୁ ଚାହୁଁଛି ମୁକ୍ତି 

କିନ୍ତୁ କିଏ ଦେବ ମୋତେ ମୁକ୍ତି? 

ଏଠି ତ ରାମଟିଏ ପାଇବା ସୁଦୂର ପରାହତ  । 

ଅତୀତରେ ହଜିଥିବା ସ୍ମୃତିଟିଏ "ତୁମେ "

ଆସିଥିଲ ମୋ ଜୀବନରେ ଉଲ୍କାଟିଏ ହୋଇ 

ଚାଲିଗଲ ବର୍ଷାର ବୁଦ୍ ବୁଦ୍ ପରି ।

ତୁମେ ବି ତ ଖୋଜିଥିଲ ମୁକ୍ତି 

କଳୁଷିତ ସମାଜର ଚକ୍ରବ୍ୟୁହରୁ 

କିନ୍ତୁ କିଏ ଦେଲା ତୁମକୁ ମୁକ୍ତି 

ତୁମ ପ୍ରେମକୁ ସ୍ବୀକୃତି?

"ସେ" ତ ସୁଧାମୟ 

ନିଥର , ନିଶ୍ଚଳ ସଦା ତସ୍ ଲିମାର 

"ଲଜ୍ଜା" ଭିତରେ 

ସଂଗ୍ରାମୀ ବ୍ୟକ୍ତିତ୍ବ ଟିଏ 

ସମ୍ପ୍ରଦାୟୀକତାର ଜାଲ ଭିତରେ ।

ମୁକ୍ତି ଖୋଜୁଛି, ଖୋଜୁଥିବ ଚିରଦିନ 

ପାରିବକି ମୋତେ ଆପଣର କରି 

ଜନ୍ମଜନ୍ମାନ୍ତରେ ?? 

ଭାରତୀ ରଥ

ରଗଡି, ବାଙ୍କୀ, କଟକ