ଜୀବନ - ସଂହିତା ରଥ

ଓଃ ଜୀବନ! ବୁକୁ ଉପରେ ବସି 

ହା ହତାସିଯାଇ ଆକାଶକୁ ଦେଖୁଥିବା

ଭରାଆଖି ଦୁଇକୁ କେତେ ସହଜରେ

ଟାଣିଆଣୁ ଏ ମାଟି ଉପରକୁ ,

ବିଷାଦର କଳା ଛାଇରେ ଯେବେ 

ଢାଙ୍କିହୋଇ ସାଙ୍କୁଡ଼ି ଯାଏ

ଆଲୋକର ରାସ୍ତାଟେ ଆଶାହୋଇ 

ବିଛୁଡ଼ି ଦେଉ ଏଇ ଛିଣ୍ଡା ପଣତରେ ।

ସୁଖଦୁଃଖକୁ ସମାନ୍ତରାଳରେ

ଆଗେଇ ନେବାରେ ,

ପାପପୁଣ୍ୟର ଭେଦ ବୁଝେଇବାରେ,

ପ୍ରେମରେ ନିଜ ଲୋକକୁ ସମର୍ପଣ କରିବାରେ

ଆଖି ଲୁହକୁ ଓଠର ଧାରେ ହସରେ ଲୁଚେଇବାରେ

ଏଇ ଜୀବନ ବେଶ୍ ପାରଙ୍ଗମ ।

ଆ ଜୀବନ ଯେତିକି ମୁହୂର୍ତ୍ତ ମୋ ହାତେ ଅଛି

ତତେ ଥରେ ମନଭରି ବଂଚିଯାଏ ।

( ଇରିଗେସନ କଲୋନୀ , ଲେନ ନଂ -୮ 

 ଭବାନୀପାଟଣା, କଳାହାଣ୍ଡି 

ପିନ୍- ୭୬୬୦୦୧ )