ହୃଦୟ ହୀନା - ଚିନାପାନା ଲୋକନାଥ ରେଡ଼ି

ବେଇମାନି ପ୍ରିୟା ଭୁଲିଗଲୁ ମତେ

ଭୁଲିଯାଇ ପ୍ରେମ ପ୍ରୀତି

ମୁଁ କିନ୍ତୁ କାହିଁକି ଭୁଲି ତ' ପାରୁନି

ଗଡା଼ଉଛି ଲୁହ ନିତି |

ଭାବିଥିଲି ତତେ ମନରେ ମୋହର

ମୋ' ମନ ମାଣିକ ବୋଲି

ମାଣିକ ନୁହେଁ ତୁ ମନହନ୍ତା ବୋଲି

ଭାବି ତ' ହେଉଛି ଭାଳି |

ମୋ' ମନ ଆକାଶେ ଉଡ଼ୁଥିଲୁ ପ୍ରିୟା

ମୋ' ବଣି ପକ୍ଷୀଟି ହୋଇ

ଆଜି ସେହି ବଣି ମୋ' ବସା ଭାଙ୍ଗିକି

ଚାଲିଲା କୁଆଡେ ଉଡି |

କଥା ଦେଇଥିଲୁ ହାତ ଧରିବାକୁ

ସଦା ସାଥୀ ମୋର ହୋଇ

ସେହି କଥା ଆଜି କେଉଁଠି ଜାଳିଲୁ

ଭାବି ମୁଁ ହେଉଛି ବାଇ |

ଥିଲା ଯଦି ମନେ କାହାପାଇଁ ପ୍ରେମ

ମତେ କାହିଁ କଲୁ ଛଳ

ସେ' ଛଳ ପ୍ରେମରେ ପଡ଼ିଯାଇ ଆଜି

ହେଉଅଛି କଲବଲ |

ଜାଣି ମୁଁ ନଥିଲି ଭାବି ବି ନଥିଲି 

ମୋ' ପ୍ରିୟା ହୃଦୟ ହୀନା

କେମିତି ବୁଝିବ ଅବୁଝା ମନଟି

ମରିଯିବ ତୋ'ରି ବିନା |

✍️ଚିନାପାନା ଲୋକନାଥ ରେଡ଼ି

 ଯୁକ୍ତ ତିନି ପ୍ରଥମ ବର୍ଷ ଛାତ୍ର

ଫିରୋଜ ପେଣ୍ଠ, କତୁରୁ,

ଗୋଳନ୍ଥରା, ବ୍ରହ୍ମପୁର

ଗଞ୍ଜାମ

761009

7606858260

**************