ପୃଥିବୀ - କାହ୍ନୁ ଚରଣ ସାହୁ

ସହିଛି କେତେଯେ ଯାତନା ବେଦନା

ଯୁଗେ ଯୁଗେ ମୁକ ସାଜି

ପ୍ରତିରୋଧ କେବେ କରିନାହିଁ ଜମା

ବିଷାକ୍ତ ହୋଇଛି ଆଜି ।

ବକ୍ଷରେ ବୋହିଛି କେତେ ଜୀବଜନ୍ତୁ

କେତେ ଜାତିର ଯେ ବୃକ୍ଷ

କେତେ ନଦୀ ହ୍ରଦ ସାଗର ପର୍ବତ

ଦେଖାଇ ତାହାର ଦକ୍ଷ  ।

ନୂଆ ଯୁଗ ସାଥେ ତାଳ ଦେଇ ସିଏ

ବଦଳି ଚାଲିଛି ସଦା

ପ୍ରଦୂଷିତ ଆଜି ତା ସାରା ଶରୀର

ବୁଝନ୍ତିନି କେହି ବ୍ୟଥା  ।

କେତେ ମୂଲ୍ୟବାନ ନାନା ଜାତି ଦ୍ରବ୍ୟ

ଶରୀରେ ତାହାର ପୂର୍ଣ୍ଣ

ମନ ମୋହିନୀଏ ପ୍ରକୃତି ସୌନ୍ଦର୍ଯ୍ୟ

ଆକାଶ ଛାତିର ଜହ୍ନ । 

କାହାକୁ କରିନି ପର ଆପଣାର

ସଭିଏଁ ନିଜର ତାର

ପ୍ରତି ମୁହୂର୍ତ୍ତରେ ପ୍ରଦୂଷିତ କରେ

ଗର୍ବ ବହି ହୃଦେ ନର  ।।

କାହ୍ନୁ ଚରଣ ସାହୁ

ପଣ୍ଡକାମାଳ, ମ.ରାମପୁର, କଳାହାଣ୍ଡି

ସମ୍ପାଦକ- ସୃଷ୍ଟି ସମ୍ଭାର