ମନ ମାହାତ୍ମ୍ୟ(୫୧) - ବିନୋଦିନୀ ଦାଶ

ମନଟିକୁ ଯଦି ବିଜୁଳି ପରିକା

ରଖୁଥିବା ଆମେ ସଦା ଉଜ୍ଜ୍ବଳି,

ତେବେ ହେବାନି କୁଭାବନା ଝାଂଜିରେ

କେବେହେଲେ ଥରେ ଆମେ ସନ୍ତୁଳି ।

ଜୀବନ ଗଣିତ ପଢ଼ିବା ପାଇଁକି

ଯଦି ମନ କରିବା ଉପଯୋଗ,

ସମସ୍ୟାର ସମାଧାନ ହେବା ପାଇଁ

ମିଳି ଯାଉଥିବ ସବୁ ସୁଯୋଗ ।

ମନରେ ଆଦର ଭରି ରହିଥିଲେ

ଅସୁମାରି ବହି ପାରିବା ପଢ଼ି,

ହେଲେ ସେ ଗୁଣେ କି ଆପଣା ଜୀବନ

ବହି ପଢ଼ିବାକୁ ପାରିବା ବଢ଼ି ?

ମନରେ ନିଷ୍ପତ୍ତି ସିନା ବଦଳଇ

ଜୀବନରେ ପ୍ରତିଟି ମୁହୂର୍ତ୍ତରେ,

ହେଲେ ବିଶୁଦ୍ଧ ଭାବନାର ନିଷ୍ପତ୍ତି

ଜୀବନକୁ ବି ବଦଳାଇ ପାରେ ।

ସେଥିପାଇଁ କାର୍ଯ୍ଯ ସାଧନ ପୂର୍ବରୁ

ମନଟିକୁ ଦୃଢେ କରି ସଂଯତ,

ବାରବାର ଚିନ୍ତା ଚେତନ୍ୟ ପ୍ରସାରି

ପରଖିଲେ ନିଶ୍ଚେ ସିଦ୍ଧି ପ୍ରାପତ ।

ବିନୋଦିନୀ ଦାଶ

କୁରୁଆଁ, ମୁଗପାଳ, ଯାଜପୁର