ରାମ ରାଇଜରେ ରାବଣ ରାଜା - ଜଗବନ୍ଧୁ ସାହୁ

ଦ୍ବାପର ଗଲାଣି ତ୍ରେତୟା ଘରକୁ

      କଳି ଆସି କଲା କବଜା

ହେଇଟି ବାଇନ     ରାମ ରାଇଜରେ

       ରାବଣ ହୋଇଛି ରଜା I

ସେ'ଯୁଗ ରାବଣ    ଥିଲା ମହାଜ୍ଞାନୀ

        ଏ ଯୁଗ ରାବଣ ମୁର୍ଖ

ଅବଳା ନାରୀକୁ       ହରଣ କରିଯେ

        ଭୋଗୁ ଅଛି ସିଏ ସୁଖ I 

ସେ'ଯୁଗ ରାବଣ     ତାର ମୁକ୍ତି ପାଇଁ

        କରିଲା ସୀତା ହରଣ

ଘୋର ଯୁଦ୍ଧ କରି    ରାମଙ୍କ ବାଣରେ

       ହୋଇଲା ତାର ମରଣ I

ଏ'ଯୁଗ  ରାବଣ    କାମ ଆହୁତିରେ

          ଧର୍ମକୁ କଲାଣି ଗ୍ରାସ

ଜାଗ ହେ ଜନତା   ଜାଗ ଭାତ୍ରୁ ଭଗ୍ନୀ

       ପକାଅ ସଂଗ୍ରାମ ଫାସ I 

ଏ'ଯୁଗ ରାବଣ     ଭଦ୍ରମୁଖା ପିନ୍ଧା

        ଖାଉଛି ନାରୀ ମାଉଁସ

ଜାଗିଲେ ଜନତା       ହଟିବ କ୍ଷମତା

          ପୁରିବ ତାର ଆୟୁଷ I

 ଜଗବନ୍ଧୁ ସାହୁ

ଗ୍ରାମ ‐ ଛଞ୍ଚାଣିଆ ପଲ୍ଲୀ 

ଜିଲ୍ଲା ‐ ଗଞ୍ଜାମ

ଭାୟା ‐ ପୋଲସରା

ପୋଷ୍ଟ ‐ ବେଲଗାଁ

ଦୂରଭାଷା ‐ 8780042579