ମିନତି ଘେନ-୧୫୨- ରଞ୍ଜନ କୁମାର ପଣ୍ଡା

ଜୀବନ ସାଳିତା          ଜଳି ଜାଳି ଯାଏ

           ସରି ସରି ଯାଏ ଦିନ

ଖାଲି ହେଲେ ତେଲ      ଲିଭି ଯିବ ଦୀପ

          ଅଥୟ ହେଲାଣି ମନ ।

ସଂସାର ସାଗରେ         ବୁଡି ମୁଁ ରହିଲି

           ଭଜିଲିନି ପ୍ରଭୁ ନାମ

ପାପ ପ୍ରାଣୟରେ         ଜୀବନ ସାରିଲି

          ଚିନ୍ତିଲିନି ପୁଣ୍ୟ ଧାମ।

ବାର୍ଦ୍ଧକ୍ୟ ଅବସ୍ଥା      ହେଲା ଉପନୀତ

        ଶରୀର ହେଲା ଶିଥିଳ

ବାଳୁତ ଅବସ୍ଥା        ପୁନଃ ସଂସ୍ଥାପିତ

        ଭୋଗୁଅଛି କର୍ମ ଫଳ ।

ଦୁର୍ଲଭ ଜୀବନ        ପାଇଥିଲି ସିନା

         ସୁଲଭରେ ସାରିଦେଲି

ପାପିଟିଏ ହୋଇ       ସଂସାର ପଙ୍କରେ

         ଘାଣ୍ଟି ହେଉଅଛି ଖାଲି ।

ଆହେ ଦୀନବନ୍ଧୁ         ଜଗତର ସିନ୍ଧୁ

       ହେ ପ୍ରଭୁ କଳା ବଦନ

ଅବଶିଷ୍ଠ ଦିନ            ଗାଉ ତୁମ ନାମ

       ଏତିକି ମିନତି ଘେନ ।

*ଜୟ ଜଗନ୍ନାଥ..........👏*

        *ରଞ୍ଜନ କୁମାର ପଣ୍ଡା*

             *କୋରାପୁଟ*