ମିନତି ଘେନ (୧୪୧) - ରଞ୍ଜନ କୁମାର ପଣ୍ଡା

ଜୟ ଶନି ଦେବ        ନ୍ୟାୟର ଦେବାତା

        ସଂସାରୁ ମୁକତି କର

ଏ ମାୟା ସଂସାର      ଅଦିନର ଝଡ଼

       ଅସମୟେ ଟିକେ ଧର ।

ଆହେ କୃପାମୟ        ଆହେ ଛାୟାକାନ୍ତ

           ଶୁଣ ଜଗତର ଦୁଃଖ 

ମହାମାରୀ ଭୟ         କଲାଣି ଅସ୍ଥିର

         କୃପାକରି ଦିଅ ସୁଖ ।

ଦୟାର ସାଗର        ଆହେ ନ୍ୟାୟବନ୍ତ

       ଅନ୍ୟାୟ ନ ଦେଖ ତୁମେ

ଆଜିଏ ସଂସାର      ହେଲାଣି କାତର

      ବାଟ ପାଉ ନାଂହୁ ଆମେ ।

କଲ୍ୟାଣ କାରକ        ତୁମେ ତ ଧାରକ

         ବଳାଅ ନିମିଷେ ମନ

ରୋଗ ଶୋକ ଦୁଃଖ      ହେଉ ଦୂରୀଭୂତ 

            ମିନତି ମୋହର ଘେନ ।

ରଞ୍ଜନ କୁମାର ପଣ୍ଡା

କୋରାପୁଟ