ଟଳିବ ଦୁଃଖ - ରଞ୍ଜନ କୁମାର ପଣ୍ଡା

ଟଳମଳ ହୋଇଲାଣି ସଂସାର ନାଵ

ଟଳି ପଡ଼ିବାକୁ ଆଉ ଅଳପ ଥିବ ।

ସଂସାର ନାବିକ ଭାଇ ଧରିଛି କାତ

ଟଳିଲା ବେଳକୁ ନିଶ୍ଚେ ଦେବେରେ ହାତ ।

ଦେଖୁଛନ୍ତି ମହାପ୍ରଭୁ ଆମ ତାକତ

ଧର୍ମ ରଖିବାକୁ ଯାଇ କରନ୍ତି ହତ ।

ମହାମାରୀ ମହାବାତ୍ୟା ପରୀକ୍ଷା ଆଜି

କରୁଛନ୍ତି ମହାପ୍ରଭୁ ଶିକ୍ଷକ ସାଜି ।

ଜନସଂଖ୍ୟା ବୃଦ୍ଧି ସଙ୍ଗେ ଅଧର୍ମ ବଢେ

ଧରିତ୍ରୀ ମାତା ପ୍ରଭୁଙ୍କୁ ତା'ଦୁଃଖ ବାଢେ ।

ଜ୍ଞାନୀ ଗୁଣି ମାନବର ମାନବିକତା

ଦେଖୁଛନ୍ତି ମହାପ୍ରଭୁ ଭାଗ୍ୟ ବିଧାତା ।

ଯେତେବେଳେ ଜାଣିବେ ସେ ଧର୍ମରେ ସବୁ

ଟଳମଳ ନାବକୁ ସେ କରିବେ କାବୁ ।

ସଂସାରର ନାଵ ଭାଇ ଧରମ ନାଵ

ସେହି ନାଵ ପ୍ରତି ଟିକେ ରଖିଥା ଭାବ ।

ଜଗତ ଈଶ୍ୱର ସେହି ନାଵ ମାଲିଜ

ଟଳିବାକୁ ଦେବେ ନାହିଁ ରଖିବେ ଟେକ ।

ଜଗନ୍ନାଥ ଜଗଦିଶ ପରମବ୍ରହ୍ମ

ଜଗତ ରଖିବେ ନିଶ୍ଚେ ନ ହୋଇ ବାମ ।

ତାଙ୍କ ପଦେ ଭାଇ ସଦା ଲୟ ରଖିଥା

କର୍ମ କରୁଥିବା ସଦା ନୁଆଇଁ ମଥା ।

ମହାମାରୀ ମହାବାତ୍ୟା ଦୁରେଇ ଯିବ

ମହାପ୍ରଭୁ ଦୟା କଲେ ସବୁ ସମ୍ଭବ ।

ଆନନ୍ଦରେ ଡାକ ସର୍ବେ ହୋଇ ଆତୁର

ରକ୍ଷାକର ଜଗନ୍ନାଥ ଜଗଦିଶ୍ୱର ।

ଶଙ୍ଖ ହୁଳହୁଳି ମାଆ ମାଉସୀ ଦିଅ

ସଂସାର ସାଗରେ ସର୍ବେ ଆନନ୍ଦ ପାଅ ।

          ରଞ୍ଜନ କୁମାର ପଣ୍ଡା

               କୋରାପୁଟ