ମନେ ପଡେ ସେଇ ମୁହୂର୍ତ୍ତ - କଳ୍ପନା ରାୟ

                        

ମନର ଆବେଗ ସାଉଁଟୁ ସାଉଁଟୁ-----

କିଛି ସମୟ ସୁଅରେ ଭାସିଗଲା

         ବହୁ କିଛି ବାକି ରହିଗଲା

ତୁମେ ଆଉ ମୁଁ-----

     ଦୁହେଁ ଦୁହିଁଙ୍କୁ ଜାଣିବା ଆଗରୁ  

    କେତେବେଳେ ସଞ୍ଜ ନଇଁଗଲା 

ସେଇ ଗୋଧୂଳି ଲଗ୍ନକୁ-------

ଆଜି ସ୍ମୃତି କରି ଗୋଟୋଉ ଗୋଟୋଉ

  ବର୍ତ୍ତମାନ ଅତୀତର ନାମ ନେଲା

ଅସଜଡା ଶବ୍ଦମାନଙ୍କୁ------

ଆଦରରେ ରଖୁଥିଲି ଟିପାଖାତାରେ

          ପ୍ରୀତି ଫୁଲ ଝରିଝରି ଗଲା

ଝରା ଶେଫାଳୀର ମହକକୁ---

      ଅନ୍ତର ମୋ  ସଜାଡୁ ସଜାଡୁ

ଅସରାଏ ବର୍ଷା ମାଟି ଚୁମିଗଲା

ସେସବୁ ଶବ୍ଦ ଗୁମ୍ଫନକୁ-----

     ବେଳଯାଏ ଆଜି ଖୋଜୁ ଖୋଜୁ

       ପ୍ରୀତିଫୁଲ ମୋ ଅସ୍ପଷ୍ଟ ହେଲା

ବୁଝିବାକୁ ଚାହିଁଥିଲି ତୁମକୁ----

    ସେଇ କଳାମେଘୀ ଆକାଶକୁ

 ଚାହିଁ ଖୋଜୁ ଖୋଜୁ ଅନ୍ଧାର ମାଡିଆସିଲା

କଳ୍ପନା ରାୟ, ଲଇଡା,ସମ୍ବଲପୁର