ଶେଷ ଯାତ୍ରା- ଦୀନବନ୍ଧୁ ବେଜ

 ଶେଷ ଯାତ୍ରାର ଅନ୍ତରୀକ୍ଷ ଯାତ୍ରୀଟିଏ

ମୃତ୍ୟୁକୁ କରୁନାହାଁନ୍ତି ତିଳେହେଁ ଖାତିର୍ ,

ଦିଗବଳୟ ଆରପାଖରେ ଥିବା ପରିସ୍ଥିତି

ଶୋଇପଡିଛନ୍ତି କୁମ୍ଭକର୍ଣ୍ଣର ନିଦପରି,

ଖୁନ୍ଦାଖୁନ୍ଦି ବିବେକମାନେ ନିର୍ବାକ  ।

ମତାନ୍ଧରେ ଜର୍ଜରିତ ଶଦ୍ଦମାନେ

କୁଢ଼କୁଢ଼ ହୋଇ ବିଛାଡ଼ିହୋଇ ପଡ଼ୁଛନ୍ତି

ଅନନ୍ତକାଳରୁ ନିଦ୍ରିତ ଟାଙ୍ଗରା ଭୂଇଁରେ ,

ଶ୍ୱାନଶୃଗାଳଙ୍କ କୋଳାହଳ ଶବ୍ଦମାନଙ୍କ

ଆଁ ଭିତରେ ଦୃଶ୍ୟମାନ ହେଉଛି ଦୁନିଆ, 

ଆତ୍ମ ବିସର୍ଜନ କରୁଛି ତିମିର ଗର୍ଭରେ

ଛାତିରେ ଛୁରିଚଲା କଥାମାନେ ।

ପ୍ରତିଉତ୍ତର ଦେବାପାଇଁ ଉତ୍ସୁକତାରେ 

ପଥରରେ ଚାପିହୋଇ ଲୁଚି ହୋଇଥିବା

ଆତ୍ମ କଥାମାନେ ଉତୁରି ଉଠୁଛନ୍ତି,

ଉଵଟୁବ ହେଉଛନ୍ତି ପେଟେ ଅହମିକା

ଅଜ୍ଞାନରେ ଧିକାର କରୁଛନ୍ତି ସମୟକୁ ।

ସମୟର ମହାପ୍ରାୟଣ ବୋଧିଦ୍ରୁମ ତଳେ

ତିଳତିଳ ହୋଇ ଜଳୁଛି ଦିଗବଳୟ 

ଶୂନଶାନ ଅନ୍ତରୀକ୍ଷ ପାଦଚଲା ରାସ୍ତା

କମ ପଡ଼ିଯାଇଛି ଶଗଡ଼ ଗୁଳାରେ ।

ହାକିମ ଧାବଳ ଉପାର୍ଜିତ ମେହେନତି    

ଆଣିଦେଇଛି ଦୀର୍ଘଯାତ୍ରାର ଅନୁଭୂତି

ସଂଗ୍ରାମ ଶେଷରେ କ୍ରିଡନକ ସାଜି

ଶେଷଯାତ୍ରା ପାଇଁ ସିଂହ କରୁଛି ସ୍ତୁତି ।

                    ସ୍ଥାୟୀ ଠିକଣା:-

                   ବାସୁଦେବପୁର, ଭଦ୍ରକ

                 ସେଲ:-୭୬୮୩୯୨୦୨୨୧