ବର୍ଷା ରାଣୀ - ମମୀ ମାଝୀ

ଆଷାଢ଼ ମାସ ଟି ପ୍ରବେଶ ହୁଅନ୍ତେ

ବ୍ୟୋମେ ବ୍ୟୋମଧୂପ ଘୋଟିଲା,

ଦିନ ରେ ଭାନୁ ଯେ ଅମ୍ବୁଦେ ଲୁଚିଲେ

ସାଂୟକାଳ ପରି ଲାଗିଲା ।

କେତେବେଳେ ଖରେ ଅବା ଧିରେ ଧିରେ

ବହନ୍ତି ଯେ ପ୍ରଭଞ୍ଜନ ,

କଳାମେଘେ ସେ ଯେ ଚପଳା ନାଚନ୍ତି

ଦିଶେ କେଡ଼େ ଶୋଭାବନ ।

ଘଡଘଡି ପୁଣି ରହି ରହି ଶୁଭେ

ଥରାଇଦେଇ ଛାତି କୁ ,

ବଣରେ କେକୀ ଯେ ଏ ଡାକ ଶୁଣିଣ

ନାଚନ୍ତି ମେଲାଇ ପୁଚ୍ଛ କୁ ।

ପାଦପଗଣ ଯେ ଅନୀଲ ସହିତେ

ହର୍ଷେ ଦୋଳାୟତ ହୁଅନ୍ତି ,

ବରଷା ରାଣୀ ନୂଆ ଜୀବନ ଦେବେ

ମନେ ମନେ ଗୁଣି ହୁଅନ୍ତି ।

ବିଶ୍ବମ୍ଭରା ଆଶା ପସରା ନେଇ 

ଚାହିଁ ଥିଲା ଏହି ଦିନ କୁ ,

ତା'କୋଳେ ଖେଳିବ ସବୁଜ ବନାନୀ

ପାଇ ବରଷା ରାଣୀ କୁ ।

ଚାତକ ପକ୍ଷୀ ଆତୁର ହୋଇଣ 

ନଭ କୁ ଅନାଇ ଥାଏ ,

କେତେବେଳେ ଯେ ବରଷା ଆସିବ 

ମନେ ମନେ ଭାବୁଥାଏ ।

ମଣ୍ଡୁକଗଣ ଯେ କେଁ କଟର

କରୁଥାନ୍ତି ଚାହିଁ ଅମ୍ବୁଦ ,

ଏହି ସବୁ ଦୃଶ୍ୟ ଦେଖୁଥାନ୍ତି 

ଅମ୍ବରେ ଥାଇଣ ଜଳଦ ।

ସମସ୍ତଙ୍କ ଆଶା ଆକାଂକ୍ଷା

ପୂରଣ କରିବା ପାଇଁ ,

ଚପଳା ସାଥିରେ ମେଘସବାରୀ ରେ

ବରଷା ଆସିଛି ଧାଇଁ ।

ବଳାହକ ଠାରୁ ମୁକ୍ତା ରୂପ ବାରି

ଧିରେ ଧିରେ କରି ଖସିଲା ,

ଅବନୀ ରାଣୀ ଯେ ଏ ମୁକ୍ତା ପାଇଣ

ସାଉଁଁଟି ବକ୍ଷ ରେ ଭରିଲା ।

ଏହି ସମୟରେ ଅବନୀ ର ବାସ୍ନା

ଦ୍ୱିଗୁଣିତ କିବା ହେଲା ,

ସେ ବାସ୍ନା ସୁଗନ୍ଧ ମନ ମତାଣିଆ

ଜନମନ ମୋହି ନେଲା ।

ଝିିିପିଝିପି ସ୍ବରେ ବରଷା ରାଣୀ

ଗାଉଛି ସୁନ୍ଦର ଗୀତ ,

ସେ ଗୀତ ର ସ୍ବରେ ନାଚିବା ପାଇଁ

ମନ ହୁଏ ବିହ୍ବଳିତ ।

ମମୀ ମାଝୀ

ଗ୍ରା-ଥାପେନ, ଜି-କଳାହାଣ୍ଡି