ବନ୍ଦେ ଉତ୍କଳ ମାତା - ବସନ୍ତ କୁମାର ପ୍ରଧାନ

ବନ୍ଦେ ଉତ୍କଳ ମାତା

ବନ୍ଦେ ଉତ୍କଳମାତା ,

ସବୁଜ ସୁନ୍ଦର  ଚାରୁ ଶୋଭାମୟୀ

ପୁଣ୍ୟ ତୀର୍ଥମୟୀ ମାତା ।0।

କଳା ସଂସ୍କୃତିରେ ଅଟୁ ତୁ ମହାନ

ଭାଷା ଭିତ୍ତିରେ ତୋହରି ଗଠନ ,

ଏକତ୍ମତାରେ ହିଁ ତୋହରି ଅସ୍ତିତ୍ୱ

ବଞ୍ଚିଛି ଉତ୍କଳୀୟତା ।

ବନ୍ଦେ ଉତ୍କଳମାତା ।1।

ପରାକ୍ରମଶାଳୀ ତୋ' ସନ୍ତାନଗଣ

କେ' ଭୁଲି ପାରିବ ଯେତେ ତାଙ୍କ ଦାନ 

ଗଙ୍ଗାଠାରୁ ଗୋଦାବରୀ ତୋ' ବିସ୍ତୃତି

ଧର୍ମର ଆଧାରଭୁତା ।

ବନ୍ଦେ ଉତ୍କଳ ମାତା ।2।

କେତେ ଜ୍ଞାନୀଗୁଣୀ ତୋ'ର ସୁତସୁତା

ବିଶ୍ୱ ଦରବାରେ ଉଚ୍ଚ କଲେ ମଥା ,

ଅମଳିନ ଯଶଃକୀର୍ତ୍ତି ଗଲେ ରଖି

ବଢ଼ାଇ ତୋ' ମହାନତା ।

ବନ୍ଦେ ଉତ୍କଳମାତା ।3।

ବସନ୍ତ କୁମାର ପ୍ରଧାନ

ହରିହରପୁର, ଛେଣ୍ଡିପଦା, ଅନୁଗୋଳ