ମିନତି ଘେନ(୧୧୧) - ରଞ୍ଜନ କୁମାର ପଣ୍ଡା

ଶୁଣ ଶୁଣ ପ୍ରଭୁ         ଆହେ କୃପାସିନ୍ଧୁ

        ଦୀନବନ୍ଧୁ ଦଇତାରୀ

ଅଭାବୀ ସଂସାରେ      ଅଭାବ ଲାଗିଛି

         ତଥାପି ଶୁଣ ଗୁହାରୀ ।

 ଭକ୍ତିରେ ଡାକୁଛି        ଶକ୍ତି ଦିଅ ପ୍ରଭୁ

          ଜଗତ କଲ୍ୟାଣ ପାଇଁ

ନ ଶୁଣିବ ଯଦି            ଗୁହାରୀ ମୋହର

          ତେଜିବି ପ୍ରାଣକୁ ସାଇଁ ।

ଦଦରା ନାବରେ        ପାରିହେଉ ଅଛି

         ଭରସା ତୋ ଠାରେ ଥୋଇ

ତୁମେ ମୋ ବିଶ୍ୱାସ      ତୁମେ ମୋ ନିଶ୍ୱାସ

            ରହିଛି ଭରସା ପାଇ ।

ଘେନ ମୋ ମିନତି        ହେ କଳାସାଆନ୍ତ

            ବଞ୍ଚିଛି ତୁମକୁ ଚାହିଁ

ତୁମେ ନ ରଖିଲେ          ବୁଡି ଯିବି ମୁହିଁ

           ଆଉ କିଛି ଲୋଡ଼ା ନାହିଁ ।

                     ରଞ୍ଜନ କୁମାର ପଣ୍ଡା