ଭୁବିଶ - ଗୀତରୋହୀ ଦାସ

ସୁନ୍ଦୁର୍ ମନର୍ ଚଡକ୍ କଥା 

ଲୁକେଇ ଦେସି କେତେ 

ଭୁବିଶ୍ କରି ଦିନ୍ ବିତାସି 

ଲାଜେଇ ହେସି ସତେ । 

ଭିତ୍ରେ ଭିତ୍ରେ ଛନ୍ କପଟ୍ କେ 

ଭରି ଦେଇଛେ ମନେ 

ଲୋକ୍ ଦେଖନିଆ ଦେଖେଇ ହେସି 

ରକମ୍ କରସି ବନେ । 

ମାତ୍ ଲାଗସି ସାଙ୍ଗର୍ କଥା 

ରହିଛେ ଆଏଜ୍ ଚୁପ୍ 

ଲୋକର୍ ଆଗାଡେ କରୁଛେ ଭୁରକୁଟି

ନାଇଁ ଜାନନ୍ ତା'ର୍ ରୂପ୍ । 

ମାଏନ୍ ମନଛା ମନର୍ ଦୁଃଖ୍ କେ 

ଦେଉଥିଲା ମୋତେ ବାଟିଁ 

ନୂଆ ସାଙ୍ଗ୍ ଟେ ପାଏଲା ଦିନୁ 

ରକମେ ହେଉଛେ ଘାଁଟି । 

ତୋର୍ ଦୁଃଖେ ମୁଇଁ ହେମି ଠିଆ 

କହେଲୁ ମିଠା କଥା 

ସାଙ୍ଗ୍ ଦେଖନିଆ କରୁଛୁ ନାଟକ୍ 

ନାଇଁ ଚିହ୍ନି ତୋତେ ଗୀତା । 

ଗୀତା ରୋହିଦାସ 

ଝାରସୁଗୁଡା