ତୁମେ ପରା ମାଁ - ଚମ୍ପାବତି ରଣା

ଜାଣିନି ତୁମର ଶକ୍ତି ମାଁ 

ହେଲେ ଜାଣିଛି ତୁମ କୀର୍ତ୍ତି ମାଁ 

ନାହିଁ ତିଥି ନାହିଁ ଦିନ ବାର 

ସର୍ବଦା ପୂଜା କରୁଥିବି ମାଁ      

ତୁମେ ପରା ମୋ ମାଁ l

କି ଅବା ଦେଇନ ତୁମେ ମାଁ 

ସବୁ ତ ତୁମରି ପ୍ରସାଦ ମାଁ 

ଯାହା ପାଇଅଛି ଯାହା ଭୋଗୁଅଛି 

ସବୁ ତ ତୁମରି ଦାନ ମାଁ          

ତୁମେ ପରା ମୋ ମାଁ  l

ମନ କଥା ନ କହି ବୁଝିଯାଅ ମାଁ 

ହୃଦୟ ବେଦନା ତୁମେ ଜାଣ ମାଁ 

ତୁମପାଇଁ ଏ ସୃଷ୍ଟି  ପରିପୂର୍ଣ୍ଣ 

 କପାଳ ଲିଖନ ତୁମେ ଜାଣ ମାଁ  

ତୁମେ ପରା ମୋ  ମାଁ  l

ତୁମେ ଜ୍ଞାନଦାତ୍ରୀ ମାଁ 

କଣ୍ଠ ସ୍ଵରେ ତୁମ ଲିପ୍ତ ମୁଁ ମାଁ 

ତୁମ ଆଶୀର୍ବାଦ ଲୋଡ଼େ ଖାଲି 

ଏତିକି କରୁଣା କର ମାଁ       

ତୁମେ ପରା ମୋ  ମାଁ l

ହୃଦୟ ବେଦନା ତୁମ କିଏ ବୁଝେ ମାଁ 

ନିଜ ଦୁଃଖ ବଖାଣେ ତୁମ ଠାରେ  ମାଁ 

ତୁମ ଦୁଃଖର କିଛି ଅଂଶ ମୋତେ 

ଦେଇ ଦିଅ ମୋତେ  ମାଁ 

ତୁମେ ପରା ମୋ ମାଁ l

ତୁମ ମହିମା କେତେ ବଖାଣି ବି ମାଁ 

ତୁମେ କାହା  ପତ୍ନୀ, ଭଗିନୀ  ମୋ ମାଁ 

ସଂସାର ବନ୍ଧନ ତୁମ ହାତେ ବନ୍ଧା 

ତୁମ ପ୍ରେମ ଭକ୍ତି ଲୋଡ଼େ ମାଁ 

ତୁମେ ପରା ମୋ ମାଁ  l

ଚମ୍ପାବତି ରଣା 

ବେଲଗାଁ, ବଲାଙ୍ଗୀର