ଆକାଶ- ତପନ କୁମାର ଦାଶ

ଆକାଶ

******* 

କଦାଚିତ ନୀଳ ସମୁଦ୍ର ରଙ୍ଗରେ

ପ୍ରକୃତି ଶୋଭା ବଢାଏ

କଦାଚିତ ସାତ ରଙ୍ଗରେ ମୋହିତ

ଇନ୍ଦ୍ରଧନୁ ତୋରଣ ପ୍ରାୟେ ।

 

କଦାଚିତ ଦିଏ ସୁନେଲି କିରଣ

ରାତ୍ରି ଦିଏ ଅନ୍ଧକାର

କଦାଚିତ ଦିଏ ପ୍ରଖର ଉତ୍ତାପ

ଅଟଇ ସେ ନିର୍ବିକାର ।

କଦାଚିତ ଶ୍ୱେତ ବାଦଲ ଖେଳଇ

କାଳ ସେ କଳାହାଣ୍ଡିଆ

କଦାଚିତ ଲୁଚକାଳି ସେ ଖେଳଇ

ସୌନ୍ଦର୍ଯ୍ୟ ଆଃ କି ବଢିଆ ।

କଦାଚିତ ସାଗର ପ୍ରେମିକ ସାଜିଛି

ଗାଉଛି ତରଙ୍ଗ ସ୍ଵରେ

କଦାଚିତ ସୂର୍ଯ୍ୟ ଚନ୍ଦ୍ରର କିରଣେ

ଦିବାରାତ୍ରୀ ଆଣି କରେ ।

କଦାଚିତ ଉତ୍ତାପ କଣ୍ଟା ସାଜୁଛି

ବରଷା ଯେ ଆଶୀର୍ବାଦ

କଦାଚିତ ଶୀତ ଋତୁ ଧରାପୃଷ୍ଠେ

ଛ' ଋତୁ କରନ୍ତି ବାଦ ।

କଦାଚିତ କୋଟିଏ ଗ୍ରହାଣୁ ପୁଞ୍ଜ

ସାଇତିଛି କରି ଯତ୍ନ

କଦାଚିତ ବ୍ରହ୍ମାଣ୍ଡ ବହିଛି କୋଳେ

ସୂର୍ଯ୍ୟ ପରି କେତେ ରତ୍ନ ।

କଦାଚିତ ଦେଖିଲେ ନଭ ଶୀତଳ

ପ୍ରଭାତର ଭାନୁଦୟ

କଦାଚିତ କବିତା ଆବୃତିରେ ମନ

ଦେଖିଲେ ସୁନେଲି ସାୟଂ ।

କଦାଚିତ ବିଚିତ୍ର ଜଳଦ ଭଣ୍ଡାର

ବଖାଣିଲେ ସରିବେନି

କଦାଚିତ କବି ଲେଖକ ଲେଖନୀ

କାଗଜ କେବେ ଭରେନି ।।

ତପନ କୁମାର ଦାଶ

ଶିକ୍ଷକ,ଥୁ:ରାମପୁର,କଳାହାଣ୍ଡି