ମୁକ୍ତି

ପୁଷ୍ପାଞ୍ଜଳିପଣ୍ଡା

            

ବେଦନାଭରା ଯାତନା ପରା

ମାନବର ଏ  ଶରୀର ।

ତୁମେ ନ ଚାହିଁଲେ ତୁମେ ନଦେଖିଲେ

ଘର ପୁରା ନାରଖାର ।

ଵନ୍ଦୀଶାଳା ର ଜୀବନ ଜିଇବା 

କାହିଁ ପାଇଁ ଦେଇଅଛ !

ଜନ୍ମିଥିଲ ବୋଲି ବନ୍ଦୀ ଶାଳା ଗୃହେ

ଏତେ କଷଣ ଲେଖିଛ!

ମୁକ୍ତ କର ଭବ ବନ୍ଧନ ,ହେ ବାନ୍ଧବ

ହରି ନିଅ ଯେତେ ପାପ 

ପୂଣ୍ୟ ଅରଜିନି! , ଶରଣ ପଶୁଛି 

କାଟିଦିଅ  ଭବତାପ।

ପର ଆପଣାର, ସୁଖ ସଂସାରର

ସବୁ ତୁମରି ଇଙ୍ଗିତ ।

ମୋହ ମାୟା ଫାଶ ଫିଟୁ ଜଗଦୀଶ

ଦୁଃଖି ପ୍ରାଣ ହେଉ ତୁପ୍ତ ।

ସକଳ କରତା ଆହେ ମୁକ୍ତିଦାତା

ଚରଣେ ଶରଣ ତୋର ।

ବିନା ପାଦ ପାଣି ବସିବାର ଠାଣି

ଦେଖି ମୁକ୍ତି ହେଉ ମୋର।।

ଆସିଷ୍ଟାଣ୍ଟ ଷ୍ଟାଟିଷ୍ଟିକାଲ୍ ଅଫିସର

ଯାଜପୁର.