ବିଦ୍ୟାଦାତ୍ରୀ ସରସ୍ଵତୀ - ଚନ୍ଦନ ସାହୁ

ବିଦ୍ୟା ଦାୟିନୀ ଶାନ୍ତି ପ୍ରଦାୟିନୀ

ଜୟ ମାଁ ସରସ୍ଵତୀ ,

ବୀଣା ପୁସ୍ତକ ଧାରିଣୀ ଅଭୟ ଦାୟିନୀ

ଘେନ ବାରେ ମୋ ଭକତି ।

ହଂସ ବାହିନୀ ପଦ୍ମ ଆସନି 

କଜ୍ଜଳ ଲୋଚନୀ ବନ୍ଦେ ,

ମାତୃରୂପିଣୀ ଶକ୍ତି ସ୍ୱରୂପିଣୀ

ଜୟ ମାଁ ଚତୁର୍ଭୁଜେ ।

ତୋର କୃପା ବଳେ ମୂର୍ଖ

ହୁଅଇ ପଣ୍ଡିତ ,

ଅକୃପା କରିଲେ ଜ୍ଞାନୀ

ହୁଏ ଅପଣ୍ଡିତ ।

ବୀର କୁମ୍ଭକର୍ଣ୍ଣ କୁ 

ଅକୃପା ଯେବେ କଲୁ ,

ଇନ୍ଦ୍ରାସନ ବଦଳରେ 

ନିଦ୍ରାସନ ମଗାଇଲୁ ।

ମୁହିଁ ଅରକ୍ଷିତ ଜନ

ନ ଜାଣଇ କିଛି ।

ବୁଦ୍ଧି ଜ୍ଞାନ ଦିଅ ମୋତେ 

ମାଗୋ ଭଗବତୀ ।

ହାତିଖୋଜ ( ବେଲସା ପଡ଼ା )

କଳାହାଣ୍ଡି , ଓଡ଼ିଶା